師父有請丨康華「屍山」拍節目同行主持領嘢 白彪遇附身事件靠軍人「驅魔」

由邵氏兄弟製作的《Master's Talk師父有請》第12集邀請到滕麗名、白彪和康華接受訪問，大談圈中的靈異事件。康華直言初入行時不太信邪，後來慢慢遇到不少的撞板經歷，更有靈異事件發生。「我剛入行去內地拍旅遊節目，貴州有個山頭安置骨灰，當時咩都唔識又唔明，個山頭係安放成條村屍體，我都唔明點解要去拍？來回11個鐘頭，入到去大家都唔信邪加上當地人冇準備，所以冇拜神。」康華憶起當時男主持在當地不適要送院，連走路都有困難，所以餘下的拍攝都是由她去應付，但她返港後都入了醫院。「我諗（係）我哋入去前冇打招呼，冇講『唔好意思』。個男主持返香港冇幾耐，就已經冇做呢行，當時佢病到神智有啲唔清醒，成日自己同自己講嘢，好彩我之後返香港有拜番神。」

{{hket:inline-image name="_DSC6128.JPG"}}{{/hket:inline-image}}

翻查資料，康華口中所講嘅男主持就係1991年參加《第10屆TVB全球華人新秀歌唱大賽》，憑演唱張學友《Cry》一曲奪得「東芝金咪大獎」入行嘅李家強。李家強1993年轉當演員，1995年參演《神鵰俠侶》裡的「武修文」以及《刑事偵緝檔案II》裡的同性戀殺手「蔡子修」，因外表、造型和演技突出而受到網民讚賞。1998年李家強離開無綫電視，2004年為一圓歌手夢想，舉辦了首個演唱會，之後便淡出娛樂圈。

{{hket:inline-image name="_DSC6050.JPG"}}{{/hket:inline-image}}

另一邊廂，主持麥玲玲就指白彪哥有關刀眉，作為武打出身的人殺氣較大，彪哥就稱瞓棺材都不怕；他曾經瞓過停屍間的屍箱，當時櫃門一關上，耳仔頓時嗡嗡聲兼毛管戙。他又表示曾經在中環義莊取景拍攝，現場有百幾副棺材，部分更是有先人在內。「義莊負責人已經話，拍攝唔緊要，唔好跨過啲棺材就可以，但我哋要拍追趕戲，就係要跳棺材，仲幾乎踢冧添！有日落雨，義莊有一條長走廊，我路經時候突然有擔幡追住我，點知原來係隻雀仔飛起郁到個擔幡，當時真係被佢嚇死。」

（↓點擊放大睇圖片↓）

白彪稱最近一次遇到的靈異事件是他在菲律賓拍戲時遇上「驅魔人」事件，當時有位18、9歲女孩子的特約演員突然企身瞪大眼，跳過一幅矮牆，又不斷用英文叫不要碰她，甚至講粗口。他說：「當時佢雙眼翻起咗，見唔到佢眼珠，四個工作人員夾住佢，都被佢揈到彈開。我仲以為佢做戲，佢一踢連腳甲都反埋，真係毛管戙。有軍人保安即刻褪三粒子彈出嚟夾佢手指，點知佢嘔啲綠色嘢出嚟！後來即刻叫巫醫搞先冇事。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】