勁歌金曲│資深DJ陳海琪狠評何雁詩等歌手 網民反應兩極 讚真心但有偏見

《勁歌金曲》昨晚（26號）安排「音樂導賞團」伍樂城、陳海琪、陳奐仁、MastaMic及關心妍，聯同20位音樂選民即場評論歌手的新歌，包括《灰夠》何雁詩、《你那邊好嗎？》洪卓立及《錯的一天》吳若希等，由於節目一早預告陳海琪會狠評何雁詩，令她忍唔住當場爆喊，自然成為這晚節目亮點，而身為資深DJ兼樂評人的陳海琪亦無令大家失望，除了公開話何雁詩，同時也指出洪卓立和吳若希的不足之處，沒有畀面任何人；雖然當面狠評了眾人，但香港樂壇也需要真心及鼓勵說話，大家才可以有進步。

{{hket:inline-image name="04262011.jpg"}}{{/hket:inline-image}}

{{hket:inline-image name="04262012.jpg"}}{{/hket:inline-image}}

勁歌金曲│吳若希侷住同宿敵菊梓喬合唱 重現頒獎禮浮誇笑容遮尷尬【下一頁】

《勁歌》日前預告何雁詩被陳海琪狠評話到喊，何雁詩事後也有解釋，是因為見到伯樂伍樂城在場，所以才一時激動落淚，喊到收唔到聲。昨晚節目足本播出，當主持人叫陳海琪畀何雁詩意見時，她毫不留情說：「真心講，何雁詩，你係咪一個承受到壓嘅人先？因為我成日聽人講，一個人嘅質素就睇個人可受可以受得住壓力…我好唔鍾意首歌，因為覺得首歌好平庸，伍樂城讚賞你嘅地方我認同，我覺得你有音質，唔懷疑你唱歌嘅能力，但係你話呢首歌，Well，加加埋埋啱啱合格，我唔會對你留低咩印象，但如果你要喺呢個樂壇大洪流，咁多沖撃底下去增加你嘅競爭性，如果你用呢首歌，你會輸梗﹗機會唔容易有，話如果再多幾次，你就拜拜﹗你知唔知呀﹗」何雁詩聽完亦彎身鞠躬以示多謝，並說我會繼續努力。

陳海琪沒有因為歌手所屬的唱片公司而有所留口，她對洪卓立說：「我覺得洪卓立你真係未夠自信，仲係唔可以放開胸懷，我希望你經過今日次後，豁出去，你可能會將呢首歌嘅情意傳遞。」她雖然嫌洪卓立自信不足，仍給對方這首新歌分數是「OK」。

解構心機女│何雁詩主動埋單令老公被話食軟飯 馮盈盈大動作瘋狂走光機心之冠【下一頁】

至於跟菊梓喬世紀對唱的吳若希新歌《錯的一天》，陳海琪中肯表示：「李宗盛有同我講過，有某一種嘅歌係計算出嚟，所以話對首歌係咪好深感覺，其實我無乜感覺，香港又係會有一種人會鍾意呢隻歌，但係如果站喺吳若希個人，我真係好希望佢聽Eric（郭偉亮）講，搵佢做監製，可以將你最好一面攞出嚟，我覺得你而家係未夠，可以試多啲嘢。」

（↓點擊放大睇圖片↓）

陳海琪是香港的資深DJ，曾主持經典大熱節目《海琪的天空》，擁有為數不少的聽眾。對於今次在《勁歌》公開狠評年輕歌手，網民在討論區各有意見：「肥仔（指陳奐仁）講嘢不嬲圓滑，佢仲要喺無綫搵食，但海琪唔使，你請我咪嚟囉，我唔使對你啲歌手客氣。」、「海琪其實認同何雁詩唱功，佢係彈首歌旋律編曲平庸，即係插作曲同監製。」、「佢DJ出身 不嬲係唱片公司巴結對象，使鬼畀面。」、「首歌的確有些平庸，不過何詩雁其實可以挑戰難度高一些的歌。」、「陳海琪做導師肯講真心話﹗」、「咁就死得，攞80/90年代啲歌同而家比...好多歌都聽唔入耳，況且我覺得她好偏見。」及「咁佢評高爾夫歌手好合理，首歌已經平庸到死，唱功就更加不知所謂﹗」

王賢誌昨晚睇完亦在IG動態分享他對陳海琪的睇法，見他有感而發寫上：「#妳真係好直接」、「Well…#仲要好mean﹗」及「其實香港嘅樂壇，真係需要好多啲正能量﹗應該互相鼓勵與互相支持﹗」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】