【聲明】港生活網站並無進行電話推廣活動

周柏豪望重遊布吉影婚照

發佈時間: 2021/04/27

周柏豪與胡楓(修哥)等前晚演出直播節目《開心大綜藝》,柏豪在14對長者夫婦的「婚禮」上獻唱,他事前又為一眾「新人」影婚照:「我幫佢哋影咗12個鐘,綵排時最深印象係一對失明嘅公公婆婆,佢哋互相許下承諾,我聽到眼濕濕。」柏豪平日會跟太太講甜言蜜語:「但老婆無乜反應。」他自嘲五年前在布吉秘密結婚時相當「求其」:「結婚相都係行禮前一個鐘,喺酒店房同私人沙灘影。」他希望今年11月結婚周年紀念時可飛往布吉慶祝,以及在當地再影婚紗照。

同場的修哥將於六月舉行紅館個唱,他前晚與樂隊Supper Moment合唱《舊歡如夢》等歌曲,當作演唱會預演。唱到索氣的修哥大呼好玩,又表示邀得Supper Moment做個唱嘉賓十分開心。他透露稍後開始排舞:「體力應付到,我唱歌都係娛人娛己,最緊要開心同舒服。」

採訪︰Pauline

周柏豪望重遊布吉影婚照

胡楓(左)笑言與後生仔jam歌,感覺自己年輕不少。