劉威煌送歌紀念愛犬

劉威煌將於本周五於旺角麥花臣場館舉行音樂會，他前晚在觀塘綵排，提到政府放寬場館入座率至七成半，劉威煌開心說：「如果得五成入座率，我開騷係要倒貼，依家有七成半已經好好多。（會否加場？）唔會喇，如果再開一場，得三成入座率會好冷清。」

提到劉威煌的愛犬Jumbo早前突然離世，他哀傷說：「本來Jumbo係我音樂會嘅嘉賓，因為大家都好鍾意佢，到時音樂會上我會送隻歌畀佢。」他指愛犬相伴八年，身體一直健康：「一個月前我先帶Jumbo做身體檢查，醫生仲話佢健康到爆，所以佢咁突然走咗，我接受唔到。當日工人姐姐發現佢暴斃，我抱起佢時已經無咗心跳。」

攝影︰林良明