陳嘉倩女神光環盡失被鬧爆發姣 真人騷港女格「露底」網民熄電視

近年被封女神嘅前無綫新聞主播陳嘉倩，自從離開主播行列之後人氣不跌反升，更獲「嘉倩bb」嘅稱呼，由KOL界跳入ViuTV做藝人，幾乎乜嘢節目都見到佢身影。嘉倩喺鏡頭前一直表現得親切可人又知性，雖然都有傳佢真人「港女格」，但粉絲們都只係當花邊新聞，一笑置之；然而最近她接連參與真人騷，就畀網民指佢「原形畢露」，紛紛「脫粉」！

{{hket:inline-image name="164675620_276601450635293_8821601280914916508_n.jpg"}}{{/hket:inline-image}}

陳嘉倩成功考獲車牌半年，實際駕車經驗僅三次。早前喺真人騷《學神出沒注意》接受駕駛大挑戰，包括由荃灣駛去屯門、深水灣赤柱遊車河、戶外戶內泊車大考驗等，期間險象環生，不但在停車場內撞欄、彎路險撞巴士、在公路左搖右擺，最後要搵師傅補鐘，甚至被網民洗版鬧爆她是「公路炸彈」！

網民大數嘉倩六大宗罪，包括態度差、無駕車常識等，更嚴重到呼籲有關部門吊銷其牌照！雖然佢事後喺各大社交平台「耍冧」，不過仍然平息唔到「民憤」！

（點擊放大睇圖片）

一波未平，一波又起！ViuTV遊戲節目《考有feel》日前請嚟陳嘉倩做嘉賓，即被指發電姣爆MIRROR犯眾怒！節目上，嘉倩加入ERROR隊同阿Dee、保錡對戰MIRROR嘅Ian、Tiger同Alton。比賽前，嘉倩出口術嗲MIRROR隊話「自己怕痛」，但3子不為所動，最後小儀安排佢與Ian對戰，男方一臉表示為難。

而最後一個環節，各隊要喺強風下穿上全套睡衣兼換好床單被套枕袋，嘉倩竟然將MIRROR睡褲穿上身，令對家要除佢褲先可以完成任務……如此充滿機心的舉動，MIRROR 3子又點敢出手呢？

{{hket:inline-image name="20968657_1623782134358651_592438997012185088_n.jpg"}}{{/hket:inline-image}}

唔少觀眾都表示睇到眼火爆，鬧爆佢發姣，「最尾執床單個game自己出術著咗MIRROR嗰邊條睡褲上身，俾人除（褲）之前仲娘娘上身嗌咗聲『你敢？』，除佢褲又會俾人話無風度！佢自己著得就預咗除番出嚟啦！」、「頂佢唔順，成日一副全世界男人都為佢著迷咁嘅樣」、「有種覺得自己靚女大晒嘅感覺」。有網民更加話佢平日喺社交平台post嘅相「機心重」，刻意引人遐想，同佢之前塑造出嚟嘅知性形象大相逕庭！