李佳芯想搵18歲小鮮肉拍拖

李佳芯（Ali）、何廣沛及蕭正楠等昨日宣傳《愛美麗狂想曲》結局篇，大會宣布第19集在七天跨平台總收視有26點，他們都開心劇集有好成績。提到劇中Ali與何廣沛的姊弟戀無疾而終，問Ali現實中會否想跟小鮮肉談戀愛？她笑說︰「要睇下咩年紀，如果16歲就唔得，我唔想犯法！」何廣沛聞言笑Ali心急，Ali說︰「年紀唔係問題，最緊要係溝通到，如果有個18歲嘅男仔又溝通到，我又無所謂，就證明我嘅思維都係18歲！」

同場的蕭正楠飾演娘娘腔的角色，在劇中與陳瀅為生仔問題十分煩惱，問他現實中與老婆黃翠如有否同樣問題？他說︰「拍劇咁多年都好少二人世界，依家疫情下有機會（造人）又無得出埠，不過我哋未想生活有咩轉變，依家好享受自由生活。」

採訪︰Pauline