【聲明】港生活網站並無進行電話推廣活動

900度近視兼老花 古天樂等患白內障先去矯視

發佈時間: 2021/04/29

古天樂(古仔)前晚出席電影《真•三國無双》首映禮,古仔三年前拍該片時曾弄傷眼球,更縫了八針,十分恐怖。自爆有900多度近視的他,笑言因擔心矯視手術後無得戴隱形眼鏡,所以暫時擱置。

古天樂前晚與導演周顯揚、姜皓文、張建聲等出席首映禮,古仔重提三年前拍《真•三國無双》的打鬥戲時,不小心被兵器刺傷右眼球,要在眼球縫八針,他回想當時亦覺得驚嚇:「當時隻眼係咁流血,仲流出啫喱狀物體,但眼球縫針唔可以麻醉,要逐針逐針縫落去,其實只係比較痕癢,好彩手術後無後遺症,我又定期驗眼,到依家眼球都無事。」

古仔自爆有900多度近視,亦開始有老花,他說:「之前都諗過做矯視手術,但知道手術後兩個月無得戴隱形眼鏡,我又有捽眼習慣,戴住眼鏡捽又煩,醫生話到將來有白內障,先一次過做手術清除所有問題,所以遲啲先再考慮。」問古仔會否考慮接種新冠疫苗?他坦言:「我本身超級敏感,皮膚敏感、鼻敏感、鼻竇炎,加上身體長期出疹,要先問清楚醫生,係咪適合接種疫苗先。」

姜皓文考慮接種疫苗

同場的姜皓文(黑仔)跟太太殷寧一同現身,提到《真》片在新西蘭取景,他笑說:「從來無諗過會喺新西蘭着古裝拍戲,感覺幾得意。(會否考慮移居當地?)當地人生活節奏慢啲,我比較鍾意亞洲地方,等退休先再諗。」黑仔稍後到泰國拍攝新戲,他自言要開工無辦法,惟有做足防疫措施。提到會否接種疫苗,黑仔說:「我前排做身體檢查,心臟酵素偏高,會做咗顯影檢查先再決定打唔打針。」

採訪︰Pauline

攝影︰林良明

美術:梁政敏

900度近視兼老花 古天樂等患白內障先去矯視

姜皓文將往泰國拍戲,太太不會同行。