陳瀅包浴巾拍劇遇偷拍狂

馬德鐘昨午與陳瀅、楊卓娜等現身電視城宣傳熱播劇《伙記辦大事》，歐陽震華因病缺席。陳瀅透露前晚播出的第13集，其中一幕她包着浴巾色誘鄧永健的戲，拍攝時竟被「怪叔叔」偷拍。她回憶道︰「當時有個叔叔高炒又低炒，係咁狂影，初頭以為係工作人員，後來先知道佢係場地負責人！」她指事件擾攘一段時間，對方仍堅拒刪相。陳瀅表示︰「我覺得好侵犯，後來我再要求佢delete都唔合作，差啲要報警，不過最後都應該delete咗。」她又對馬德鐘說他不在場，「如果你喺度就會保護我，當日都嬲嬲哋無人出聲，你喺度見人恰我一定會出聲。」