陳家樂 搵衛詩雅慰藉

陳家樂與老友衛詩雅前晚以黑白情侶裝出席首映禮，衛詩雅大爆家樂經常跟隨她的喜好，又搬到她家附近。家樂笑說：「因為衛詩雅對投資有研究，我依家仲跟佢煲韓劇。」原來他們每晚各自煲劇後，更會互相聯絡傾劇情，家樂說：「我哋互相慰藉，因為有時睇到啲劇情會好𤷪。」

家樂以「慰藉」形容自己，是否因女友連詩雅身在內地拍劇，令他寂寞難耐？他即扯開話題說：「唔講呢啲呀，低調呀，不嬲都唔多講。」但連詩雅日前在社交網隔空向家樂派心心，家樂冧笑說：「咩隔空呀，總之我個人好開心，好穩定！」另外，衛詩雅讚家樂大隻不少：「我跟佢操fit，仲問佢借咗按摩槍，但一開就好嘈。」家樂指按摩槍最好由別人操作，提議他幫衛詩雅按摩？衛詩雅即拒絕：「唔好喇，家樂咁惹火，好危險。」

攝影︰林良明