【聲明】港生活網站並無進行電話推廣活動

老公太忙少見面 湯怡下令麥秋成陪入產房

發佈時間: 2021/04/30

懷孕七個多月的湯怡昨日到元朗出席珠寶店活動,她透露會順產生B,但孕婦心情容易起伏不定,她笑言已向老公麥秋成下「陪產令」,到時老公必須要陪伴她入產房生B,否則後果自負。

湯怡昨日穿上波鞋到場,拍照時才換上三吋高踭鞋,相當聽話。她透露預產期在七月,現時已進入倒數階段,心情開始緊張:「我之前上網睇生仔片,睇咗一段已經喊到唔敢再睇,因為我揀順產,擔心情緒起伏太大。」她指老公麥秋成最近忙於排舞,夫妻少見面,亦令她心情不好:「老公每日一早出去,凌晨先返屋企,佢陪到我嗰排我會開心番,我威脅佢到時一定要陪我入產房,否則後果自負!」

提到胎兒性別,湯怡大賣關子:「我已經知道,等baby shower先公布。原本老公鍾意生仔,但養咗一隻狗女之後,又覺得囡囡都唔錯!佢仲想即刻追多個,但我想唞多兩年先。」她更密密搵奶粉錢,揚言懷胎到九個月仍會接工作。

不再做瑜伽倒立

湯怡又透露懷孕初期有坐骨神經痛,最近肚子大了,亦有頂胃感覺,只能少食多餐。早前她在IG上載做瑜伽倒立的照片,她解釋:「我知自己應付到,但唔想長輩擔心,所以我唔會再做。」她又坦言懷孕後才真正明白母愛偉大,雖然未知老公會否跟她慶祝下月的母親節,但老公平日也會為她按腳紓緩不適,十分體貼。

攝影︰林良明

美術:顏玉玲

採訪︰Pauline

老公太忙少見面 湯怡下令麥秋成陪入產房

湯怡不用拍照時即換回波鞋,相當小心。

老公太忙少見面 湯怡下令麥秋成陪入產房

湯怡「投訴」老公麥秋成近日工作早出晚歸。(資料圖片)