一起走過│黃淑儀兩度無辜被炒成人生污點 離婚後曾被劉芳剛要求離開香港

資深演員黃淑儀接受楊紹鴻和江美儀的電台節目《一起走過》訪問，在麗的映聲第二期訓練班畢業的她，同學們人才輩出，有文麗賢、李司棋、梁小玲、盧大偉、黃韻詩、褟素霞等等，而黃淑儀同樣表現出色，在訓練班三個月之後，還未畢業就已經獲安排做報幕及報時，不過卻因為一次的遊船河事件被炒魷。

黃淑儀廿歲索爆竟被前夫使喚 再婚離巢 心痛兒子徐肇平TVB星途受挫【下一頁】

{{hket:inline-image name="31b42080-3a77-43b4-8881-2e5db250dd2a.jpg"}}{{/hket:inline-image}}

{{hket:inline-image name="95146565_118327356511816_5289211178021552128_n.jpg"}}{{/hket:inline-image}}

黃淑儀憶起事件說：「當時有個通告係安排我哋去遊船河，我咩都唔清楚，著咗涼鞋恤衫同褲，梁小玲仲著短褲添！嘩，點知去到原來係海運大廈上船，汪明荃就著晒粉紅紗裙、拎晒手袋，褟素霞又著到好靚，我自慚形穢，所以記者影相時就叫佢哋著得靚嘅行先，我哋後面冇咁覺眼。」沒想到這樣的舉動觸動到公司高層的神經，黃淑儀被高層訓斥，認為她不聽話不讓記者拍照，加上當年的派系鬥爭，於是被炒。

{{hket:inline-image name="800_898314967013228bc66afe3de092939esaasftp20200221.jpg"}}{{/hket:inline-image}}

當時簡而清認為黃淑儀是可塑之材，為她向高層理論不果，憤而辭職，並將黃淑儀介紹給鍾景輝，為無綫電視劇試鏡。她說：「當時開拍《夢斷情天》，我完全係冇人識，但對手馮粹帆、梁天、上官筠慧等好厲害嘅演員，我就矇查查做咗女主角。」劇集為黃淑儀帶來人氣，不過她沒有想過形象問題，19歲就已經跟劉芳剛結婚。「我唔覺得拍戲唔可以結婚生仔，職業同工作應該係分開，生完大女劉德藍，我照樣孭帶孭佢出街，有幾出奇啫？由始至於電視藝員係我工作，冇話所謂紅唔紅，冇話有乜唔見得光，係女人都會結婚生仔呀啦！」

1973年，黃淑儀能同時接拍香港電台和無綫劇集，當時一早已經夾好，逢星期一至三是港台上班，星期四至日就拍無綫劇。其中一天，雖是星期一至三，但由於港台沒工作，黃淑儀答應回無綫排戲，沒想到到現場竟然空無一人，全部遲到，令她非常生氣，因她有朋友由外地來港，連約會都推掉回公司，後來她說了一句：「早知陪朋友去SHOPPING啦！」此句說話驚動高層，下令將她的戲份全部刪走，導演更公開指斥她竟然為了購物而不尊重工作，黃淑儀說：「呢單真係令我藝術生命蒙上污點！」

{{hket:inline-image name="800_1a06da017a5e59f2ae4588db2cf68e63.jpg"}}{{/hket:inline-image}}

黃淑儀重提被刺傷道歉都冇句 汪明荃：「可能佢真係好介意」【下一頁】

1975年重返無綫電視，拍攝了不少著名的電視劇如《書劍恩仇錄》、《大報復》、《倚天屠龍記》、《抉擇》和《紅顏》等，不過在紅極一時之際，黃淑儀竟然放棄一切移居加拿大，她娓娓道來說：「當時我離婚之後去加拿大，因為我同劉芳剛步伐唔同，我向前行，佢原地踏步，思想同性格都好多問題，所以我提出離婚。佢話可以離婚但唯一條件係我唔可以留喺香港，咁我都冇依戀，放低晒所有，叫佢好好善待兩個小朋友，咁我就去加拿大讀書。」在加拿大生活一年之後，由於經濟狀況不太好，她在劉芳剛的同意之下回港找工作，再次重投幕前工作。

近年，黃淑儀由演戲變成女廚神，她說：「唔接劇因為近年演員同導演地位完全調轉，個演員睇Playback問導演點解冇Close-up，大佬呀，幾時輪到演員出聲？試過好多次，我都諗住息事寧人，但而家演員真係好唔識得尊重人，再做都係冇意思。一個戲係好多人組合先做到，但煮食節目唔同，我孭番個責任，有咩唔好你直接鬧黃淑儀。」楊紹鴻大讚黃淑儀直腸直肚又敢言，竟夠膽公開鬧無綫的不是，她說：「將事實同感受講出嚟啫，當時我個仔都唔Buy我，覺得媽咪太激進，大機構就係有咁嘅事，真係好唔公平，咁我咪將事實講出嚟。」

責任編輯：楊安莉