浪費食物｜情侶韓燒狂拎肉全部燒燶 港男目睹怒斥折墮 「每樣嘢咬幾啖冇耐性燒就走」

任食放題是不少港人的至愛，但切勿因「眼闊肚窄」而浪費食物！一名港男在網上發帖，指自己日前在一間餐廳食任食韓燒時，目睹鄰桌一對年輕情侶狂拿一大堆生肉，惟約一小時後便離去，遺下一桌「燒燶晒」的肉，全部均只「咬咗幾啖」。對此，事主怒斥該對情侶「好折墮」，「唔應該咁樣浪費食物，講緊呢個世界仲有好多人嘢都冇得食！」

該名港男在網上討論區「Dcard」以「放題時請珍惜食物」為題發帖，指自己於周日（25日）去食韓燒，鄰桌一對年輕情侶甫坐下便狂拿生肉，「佢攞嘅份量同我哋3個人嘅份量係差唔多。」起初他不以為意，認為對方只是「諗住攞多啲唔使行多轉」。未料約一小時後，該對情侶便早早離去，遺下一桌食物，

「嗰陣時放題時間仲未完，佢哋成枱擺滿曬燒燶咗嘅嘢食，全部都燒燶咗，無論係碟上面定係爐上面都有好多，好似每樣嘢咬咗幾啖冇耐性燒就走咗，好折墮！」

對此，事主批評該對情侶浪費食物，認為無論是甚麼形式的放題，雖然是「任攞」，但最起碼「攞幾多食幾多」，

「你話頭一兩件燒燶咗食唔到，或者攞咗小部分返嚟之後發覺好難食而唔食，我都仲可以接受到。但係你攞一大堆嘢食返嚟然後全部燒燶晒，跟住咬兩啖食唔到就全部唔食走人，咁就真係好過份！」

他又指，世界上其實有很多人糧食短缺、三餐不繼，「可能我哋嘅一餐對佢哋嚟講，已經係三餐甚至更多。」因此在食放題，又或是打邊爐任點牛肉時，他呼籲大眾「盡量食幾多嗌幾多」，切勿一次過「嗌太多」最後吃不完而造成浪費，

「其實糧食資源都冇我哋想像中咁充裕，就算我哋唔受影響都當為下一代著想，拜託大家幫幫忙。」

網民：切忌「眼闊肚窄」

此事引來網民熱議，不少人炮轟該對情侶浪費食物，做人切忌「眼闊肚窄」，又指雖然不少餐廳實施罰款制度，但往往未有嚴格執行：

（↓點擊圖片放大↓）  

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴