跟Alton@MIRROR撞樣｜周柏豪曬20年前排骨仔咬唇舊照 黑歷史被狂笑：「使唔使咁仔細？」

周柏豪昨晚（29號）在IG分享一張2001年做救生員時期的照片，跟朋友一齊捲起背心鬥曬腹肌，柏豪仲咬唇對住鏡頭，甫士絕對騎呢；跟今時今日他的型男Look相比更可以講句，擺明趕客！

{{hket:inline-image name="1bb63ab66638d83f5dbfa7cb66e36dbc.jpg"}}{{/hket:inline-image}}

{{hket:inline-image name="04301001.jpg"}}{{/hket:inline-image}}

《聲夢傳奇》｜周柏豪重提被《櫻花樹下》考起 蔡愷穎得4分被foul專心考DSE【下一頁】

話雖如此，柏豪這張髮型搞鬼又似「排骨仔」的相，很快獲得3萬幾人畀Like，並惹來圈中好友連詩雅、王賢誌、Jessica（蔡明思）及許文軒等爆笑品評，Jessica笑其髮型似公仔Monchhichi，許文軒追問相中造型是甚麼名堂；亦有網民發現這時期的柏豪，跟MIRROR成員Alton（王智德）撞樣，好似失散的兩兄弟。

藝人曾有暗黑歷史不足為奇，最緊要是夠膽分享，柏豪今次就跟大家開心Share，並拿2017年為個唱操到好鬼弗的爆肌相，跟昔日排骨Look作對比。他在IG表示：「網上突然出現2001年舊照一張，差不多20年時間的對比，改善身形的成功個案﹗#將軍澳泳池」柏豪亦趁機追問朋友還有幾多張舊照，叫對方一次過Send給他。

《法證先鋒V》星夢一哥周柏豪孭飛參演第5輯 傳將邀請佘詩曼鍾嘉欣歸隊【下一頁】

柏豪也有回覆好友們的爆笑品評，王賢誌話「我實在冇辦法唔笑爆！」他回覆：「笑完早啲瞓，哈哈！」許文軒留言「請問呢個揭開件衫嘅造型係咩名堂？」柏豪則搞笑答：「《青春是唔駛操都有腹肌》」。

（↓點擊放大睇圖片↓）

至於被朋友笑他「瘦到頭髮飛起，件衫咁性感仲要咬唇！」，柏豪遂搞笑反擊，「駛（使）唔駛（使）睇得咁仔細！」而其他搞鬼留言更有「你個頭好似Monchhichi」、「好嫩口呀」、「瘦奀茄」、「跟20前身型（形）示威咁話」及「恭喜成功繼續發育」。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】