崔嘉寶退隱26年為兩位男人出山 過慣少奶生活復工一日變老新人

53歲的崔嘉寶闊別公仔箱26年，今年竟出山拍劇，與「十優港姐」麥明詩及黃德斌合作拍攝AMM網劇《逐流時代》。崔嘉寶1995年嫁給晨曦足球隊班主周文曦後退隱娛樂圈，婚後誕下三子女，多年來過著少奶奶的悠閒生活。

{{hket:inline-image name="40.jpeg"}}{{/hket:inline-image}}

細仔周志賢、大仔周志仁和二女周雅雯現已在外國生活，崔嘉寶和老公周文曦終可以過二人世界。（圖片：受訪人提供)

{{hket:inline-image name="44.jpeg"}}{{/hket:inline-image}}

崔嘉寶與林文龍相識逾30年，今次文龍親自開口邀請她出山拍網劇。（圖片：受訪人提供)

【銀河十星】崔嘉寶息影嫁晨曦班主做少奶 老公一見鍾情寵妻26年 【下一頁】

崔嘉寶之所以放下少奶奶身份重出江湖拍劇，除了因為三名子女已在外國升學及工作，因而「甩身」可擁有私人時間做喜歡做的事之外，最重要還是兩大「功臣」林文龍和戚其義。1991年林文龍和崔嘉寶因無綫劇集《怒海孤鴻》結片緣，林文龍去年出任亞洲心動娛樂(AMM)副總裁高職，他今年開拍網劇並親自挑選演員，崔嘉寶便成為了「林副總」的心水之選。林文龍親自開口力邀她演出，並以金牌監製戚其義操刀此劇來吸引她出山。

（↓點擊放大睇圖片↓）

崔嘉寶日前現身網劇《逐流時代》的開鏡儀式，她接受《晴報》訪問講到林文龍邀請出山時表示：「佢同我講有個角色好啱我，問我有冇興趣，其實我廿幾年冇拍戲，都怕唔習慣，但自己個心都有戲癮，因為自己好鍾意演戲，後來因為結婚，想有一個唔同階段，所以先停咗冇再拍，但而家仔大女大，多咗好多時間，就膽粗粗試下，同埋接呢個劇最大原因係戚其義，我係佢Fans嚟，好鍾意睇佢齣《天與地》，係由頭追到尾，自己喺無綫時冇同佢合作過，所以，一聽到套劇係佢監製就好開心同雀躍，即刻答應咗文龍。」

崔嘉寶於新劇中角色是闊太，扮演何啟南的太太，與麥明詩和黃德斌有不少對手戲。她早在無綫年代已經認識黃德斌：「我係無綫14期訓練班 (畢業生)，德斌係15期 ，當年都成日喺化妝間撞到，今次再見番真係有種恍如隔世嘅感覺，大家一齊話當年。」而初見「十優港姐」麥明詩，崔嘉寶即讚口不絕：「第一日開工見到佢，佢就畀咗一個好燦爛嘅笑容我，覺得佢好有禮貌，好聰明，好多嘢都好快上手，導演一講完，佢就識得點做，同埋對我哋呢啲老老老前輩好Nice。」

（↓點擊放大睇圖片↓）

重投幕前演戲，崔嘉寶坦言時代不同，感覺有很大分別：「以前拍劇出外景都係十個八個人，而家係二、三十人，拍攝器材同流程都唔同晒，所以，我都話我係2021年最老新人，好似大鄉里出城，要慢慢適應先得。」問到會否繼續接新劇？崔嘉寶亦不抗拒說：「視乎有冇人搵喇，我係自由身，演員係做一世，只要做過演員就成日想演戲。」至於她參演過的劇集中，崔嘉寶稱《金牙大狀》、《火玫瑰》及《情濃大地》都很喜歡，尤其是和鄭丹瑞合作的《金牙大狀》，她飾演阿旦的老婆，最記得被阿旦取笑演活又傻又蠢的角色性格。

（↓點擊放大睇圖片↓）

撰文:衛紫敏

【立即體驗】