諸朋好友│錢小豪帶龐景峰拍戲自嘲係包袱 用心照顧細仔：「唔想再錯過」

錢小豪和錢嘉樂兩兄弟接受《諸朋好友》節目訪問，昨晚播出的下半集大談兩位爸爸的大不同，錢小豪有兩名兒子，分別是已經改姓、30歲的龐景峰，以及跟現任太太丘倩鳴所生的19歲錢穎德。而錢嘉樂跟太太湯盈盈先後誕下8歲的凱晴和5歲的凱琪。

諸朋好友│錢嘉樂拍戲遭汽油彈燒傷變豬頭 眼濕濕憶母親醫院探病表情反應【下一頁】

{{hket:inline-image name="chin1.jpg"}}{{/hket:inline-image}}

{{hket:inline-image name="CHIN8.jpg"}}{{/hket:inline-image}}

錢小豪指嘉樂對住兩個女兒十足「鵪鶉」一樣，嘉樂解釋：「收歛啲，以前口沫橫飛，而家檢點啲。疫情關係，我鍾意打機打喪屍遊戲，啲女唔敲門就入嚟見到話驚，就唔敢再玩住。」他表示為氹愛女養成早睡習慣，自己都要扮早睡關燈。

錢嘉樂認為哥哥表面是冷漠嚴父，但內心非常著緊兩個仔，錢小豪說：「我鍾意同個仔有共同嗜好，佢鍾意玩具就買畀佢，臨瞓前就抱住佢，拎住啲玩具同佢講故事。我希望他盡快學會游水，兩至三歲就學會，到七、八歲就開始教他賽車......我唔想再錯過同小朋友成長嘅經歷，我想多啲，有咩嘢我識嘅就盡量教識佢。我想培育佢就係發掘多啲他嘅才華。」小豪稱不想「再」錯過，事關他在大仔龐景峰2歲之後都甚少聯絡見面，因為他跟前妻郭秀雲的分開，令兩父子不能常聯絡，直至近四年，景峰希望入行做動作演員，作為爸爸的小豪帶他一齊返內地拍戲，四年之間拍了五部戲，帶挈景峰打開名堂賺錢。「我好好彩，父子重逢之後，因為佢想做演員，我都盡力幫佢，帶佢做到佢想做嘅嘢。感覺係好嘅，我喺佢身邊一定有壓力，佢唔係我包袱，我先係佢包袱，因為佢做得唔好，個個都搵老竇錢小豪做比較，希望我年紀、體能仲好，仲可以帶佢拍多幾部。」

（↓點擊圖片放大↓）

錢錢錢錢│錢小豪獲兩子驚喜送蛋糕慶生 19歲餅印細仔聽到關鍵字即笑【下一頁】

錢嘉樂認為兩個女兒的個性大不同，大女比較求穩，而細女比較大膽，曾經試過無預警之下在上格床空中飛人，幸好爸爸錢嘉樂接得住。嘉樂認為自己努力為她們提供幸福的成長環境，至於期望，他只望兩個女兒學會尊重別人，做個好人就足夠。

（↓點擊圖片放大↓）

責任編輯：楊安莉