林德信笑別94歲公公喪禮從簡 每周日陪公公食飯盡孝心難免不捨

林德信日前現身赤柱廣場出席戶外瑜伽活動，他夥拍世界冠軍魏秋琪示範及指導各種雙人瑜伽動作。Alex表示入行前已經考獲瑜伽導師牌，至今已有10多年的教授經驗，不過面對魏秋琪，他都不禁讚對方超級專業，令他大開眼界！他表示雙人瑜伽非常適合閨蜜或情侶，因既可鍛練體態又可增進雙方默契，運動同時培養感情，健康又充滿正能量。

【Po相意外洩蜜】葉蒨文親自下廚賀林子祥73歲生日 爆林德信女友同場視為「林家人」【下一頁】

{{hket:inline-image name="E.jpg"}}{{/hket:inline-image}}

{{hket:inline-image name="C.jpg"}}{{/hket:inline-image}}

提到日前正式送別94歲的外公，林德信百無禁忌在靈堂影相並分享到社交平台，林德信解釋：「我之前每個星期日返去同佢食飯，佢嘅最好朋友都嚟陪佢，而我呢2年喺社交網上載同公公合照，網友都留言問候公公，公公聽到都好開心。即使公公走咗，我都收到好多問候嘅留言，畀好多正能量我，所以我都樂觀面對，覺得死亡都唔一定係好唔開心，我就喺公公喪禮營造呢個感覺。」他表示由於疫情的關係，媽媽和妹妹都未能返港送別公公，一家人透過照片參與送別公公最後一程。

【深夜直播】林子祥林德信父子檔《YUU》洗腦歌 葉蒨文：「呢個時候聽幾開心」【下一頁】

林德信雖然外國長大，不過一直都非常孝順，每個星期日都抽時間探公公，陪他食飯，視公公為小朋友一樣，食韓國餐、漢堡包薯條等等。雖然公公要戴住喉管助呼吸，不過每次同林德信合照，都展露出非常可愛的笑容，相信他一定感受到林德信的孝心。在公公離開時，林德信都撰文說：「公公我好感恩你一路一直陪着我成長。細個嘅時候當我瞓唔到覺你會坐喺我床側邊拍拍我隻腳直至到我入睡。每日送我返放學煮好多嘢俾我食。到到你變老嘅時候有病我就坐喺你張床側邊幫你做按摩，每個禮拜日就會同你食飯。我覺得自己好幸福。多謝你比我呢個機會將所有你比我嘅愛還返俾你。多謝你照顧得婆婆咁好。I will miss our Sunday dinners but I’m a man now and will hold your memory in my heart forever. I know you are standing tall and powerful once again breathing deeply! 我會好掛住你. Rest in peace :)」

責任編輯：楊安莉