陳自瑤（Yoyo）和林夏薇（薇薇）昨晚（2號）參與無綫直播節目《開心大綜藝》，二人合演一齣短劇，大玩戲中戲劇情，帶出演員爭取出鏡機會的辛酸，類似星爺的作品《新喜劇之王》。劇中Yoyo當替身時被掌摑及打到飛落軟墊，和薇薇收工一齊被人剋扣工資，工作人員無理對待，她們互相安慰時演技大爆發，極短時間內喊出來，薇薇更是喊到眼淚鼻水長流，相當入戲。
師父有請｜陳自瑤堅稱冇黑面而係呢個表情? 讚小方絕晒種:男人都受唔到誘惑【下一頁】
Yoyo和薇薇在結尾一段對話，可謂演得細緻感人，當薇薇傷心失望問她們何時才做到女主角時，Yoyo失落之餘又要安慰人說：「我話應該我先，因為我…戲路廣啲，除咗可以做人之外，仲可以做怪獸。」薇薇聞言邊哭邊笑說：「你勁啲喎，你做怪獸做得咁好，以後女主角留番畀我做。」Yoyo又反問：「咁如果我哋呢一世都做唔到女主角呢？」薇薇答她做不到女主角亦不緊要，最重要是享受過程，珍惜每一次表演機會；Yoyo跟她對望說：「你講得啱，我哋要做一個好演員」，二人最後相擁，臉上已掛上大滴的眼淚，贏得現場不少掌聲。
薇薇是2011年加入無綫，2017年成功躍升為女主角，於劇集《乘勝狙擊》中飾演「Win姐」何正花，今晚（3號）首播的《逆天奇案》，她亦是「女一」，男主角同樣是陳展鵬。Yoyo就2000年出道，至今未嘗女主角滋味，早前阿姐（汪明荃）出席《好聲好戲》宣傳時，就公開大讚Yoyo配音表現出色，提議公司開劇給她擔正做女主角，當時Yoyo開心表示︰「唔知可唔可以實現，但聽到阿姐咁講已覺得好鼓舞。」
閨密玩踢爆｜黃翠如要求陳自瑤重演黑面Mode 認性格缺憾 剪短頭髮諗足成年【下一頁】
Yoyo今日在IG分享她演出後的感受：「很久沒有做過live show，昨晚在《開心大綜藝》聯同薇薇和一眾好演員，合力演出了一場，道出演員背後辛酸的戲中戲短劇。相信很多演員，在努力和默默耕耘背後都經歷過不少辛酸，這場短劇，也令我感受良多。沒有分大明星和小演員，每一位付出努力的演員都值得我們尊重，也希望大家記得。我只是一位普普通通，熱愛演戲，珍惜每一個演出機會嘅演員。#開心大綜藝 #我要上台慶 #短劇 #演員的辛酸 #多謝每一位好演員的合力演出 #辛苦大家 #你昨晚有看嗎？」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
- {{hket:inline-image name="050310231.jpg"}}{{/hket:inline-image}}
- {{hket:inline-image name="050310230.jpg"}}{{/hket:inline-image}}
- {{hket:inline-image name="05031014.jpg"}}{{/hket:inline-image}}
- {{hket:inline-image name="05031018.jpg"}}{{/hket:inline-image}}
- {{hket:inline-image name="05031013.jpg"}}{{/hket:inline-image}}
- {{hket:inline-image name="05031016.jpg"}}{{/hket:inline-image}}
- {{hket:inline-image name="05031012.jpg"}}{{/hket:inline-image}}
- {{hket:inline-image name="050310233.jpg"}}{{/hket:inline-image}}
- {{hket:inline-image name="050310232.jpg"}}{{/hket:inline-image}}
- {{hket:inline-image name="050310235.jpg"}}{{/hket:inline-image}}
此外，薇薇罕有在熒幕上獻Sing，這晚揀了容祖兒的《連續劇》來唱，可是有點失準，有些地方疑似走音。薇薇表示：「今次準備時間只得幾日，一有時間就會喺屋企練習，鍾意喺廁所練歌。（老公有無畀你嚇親？）就係因為佢，我先更加緊張，佢畀好多意見，笑我忘記歌詞，又挑剔我音準，我直頭覺得自己好似參加咗《聲夢傳奇》咁，佢變咗李克勤。不過佢啲意見係中肯，對我有啲幫助；仍有進步空間，都係有啲緊張先咁。」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】