死後願做大體老師│《舊日的足跡》吳浣儀催谷子女讀名校一門四傑 太惡嚇親大女影響成長感愧疚

吳浣儀近日接受車淑梅電台節目《舊日的足跡》訪問，大談她作為媽媽，湊大四個孩子的心路歷程。雖然她熱愛演戲，不過她認為自己將八成的心思放在家庭上，工作只佔兩成。吳浣儀表示：「曾經打算移民加拿大，不過太靜我唔慣，我就陪先生返香港工作，生咗四個小朋友，唔係特別鍾意小朋友，好隨緣。生完三個女諗住『收工』，個仔真係意外！30幾40歲人諗住唔會中，冇乜嘢防避，仲試晒造型諗住開工拍新劇，點知有咗，後來搵咗梁珊代替我個角色。細女同個仔隔8年，要追仔都唔係等咁多年啦，怪自己大意囉！」她表示孻仔有孻仔的好，會教她玩很多新科技、新玩意，令她自覺年輕得多。

【亡夫後獨自湊大4子女】吳浣儀疑因一個原因得罪無綫 無悔為仔女減產 榮升婆婆超幸福【下一頁】

{{hket:inline-image name="mfile_1144_746610_2_l.jpg"}}{{/hket:inline-image}}

2006年，吳浣儀的丈夫因肺癌不幸離世，當時她正拍攝亞視處境劇《喜有此理》，就連丈夫出殯後，劇組都不知道她的家遭逢突變。「當時知道佢只剩9個月命，希望世事有奇蹟，照去醫；先生話叫我捱多幾年，等啲女出身就可以享子女福，佢享唔到我可以享。當時我仲要顧住四個細路，精神上冇可能仲去驚。當收到醫院電話，我個腦只係諗到一句：『30年緣份就咁盡喇』！」

四名子女先後在香港大學畢業，大女是社工、二女是飛機師、三女是獸醫、四子則在I.T.行業任職，一門四傑，吳浣儀直言：「讀書好緊要，自細就操弗佢哋。呢個時勢冇得天生天養，我本身讀名校出身，覺得名校就算差極都有個譜，所以一路以嚟都催谷佢哋入名校。畢竟自己當年唔識珍惜，求其讀完中五就算。四個仔女由幼稚園到小學六年級上學期我都管住，之後嘅路就靠佢哋自己。」笑言二女未知是否受《衝上雲霄》所影響，於醫療工程系畢業後，竟然去考飛機師，「我本身好怕搭飛機，後來有次安排可以坐駕駛艙，佢慢慢講解點解會遇到氣流，我明白原理之後就冇咁驚。（機師好多都失業？）佢又冇乜嘢所謂，暫時休息湊吓仔先，個仔三歲幾，而家又有咗第二個，等疫情過後先再飛。」

（點擊放大睇圖片）

【單親湊大四子女】吳浣儀遭貶做「二打六」劈炮唔撈 喪夫生活艱難羅蘭鮑姐仗義相助【下一頁】

問到照顧四名子女的過程中，有沒有沒令她後悔想重來的事，吳浣儀娓娓道來：「我當年太後生未成熟，廿五歲就生大女，我同佢性格好極端，佢好溫馴，我太惡嚇親佢，令佢對好多嘢都冇信心。有時喺屋企叫佢幫手拎啲嘢過嚟，佢對眼會望實你個表情，好似好驚會做錯嘢咁。成長過程已經過去，返唔到轉頭，對小朋友種下呢粒恐怖種子，就算而家想幫佢都要時間。」稱當年大女畫畫送給自己，她隔一段時間就丟掉，沒想到女兒知道了，「以為好小事，原來對佢係好大打擊！直至幾年前佢同細佬講番，我先知佢收埋喺個心咁耐……我想同大女講，媽咪教導方法係錯，既然冇得返轉頭，睇吓可唔可以試吓去改變自己，希望可以接受媽咪嘅錯。」直言希望大女今年母親節補送她一幅畫，令母女之間的心結可以解開。

面對死亡，吳浣儀心態非常豁達，直言子女長大了，自己別無牽掛，最大牽掛只是兩隻愛犬，「演戲方面有得做咪做囉，如果將來身體承受唔到，就畀我快啲走，唔想插住晒喉咁樣……」原來她已經簽紙申請為「大體老師」，會捐遺體作醫學研究用途，「特別係有宗教信仰，身體只係臭皮囊，當年見住我先生走，冇人氣、冇膚色，人離開時係咁嘅樣，咁仲留喺度為乜嘢呢？大體老師對教學有用嘛！」

責任編輯：楊安莉