【聲明】港生活網站並無進行電話推廣活動

肥水不流外人田?|港男欲賣樓移民遭阿叔「謀住」 被要求供多10幾年再8折售予堂弟

發佈時間: 2021/05/03

俗語有云「肥水不流外人田」,但並非樣樣事情都適用。一名港男日前在網上發文,指自己準備移民外國,打算將單位變賣套現;其叔父得知後竟以「一世人兩兄弟」為由,提議將其物業以8折轉售予其兒子,亦即事主堂弟。然而,事主認為其物業具升值潛力,以8折轉售變相「蝕賣」;加上雙方並非親兄弟,認為對方有「搵笨」之嫌,狠批:「乜都係兄弟兄弟,隔咗層就隔咗層啦,劏都劏自己人!」

該名港男近日在「香港討論區」以「原本想賣咗層樓移民,點知阿叔叫我八折留層樓畀堂細佬……」為題發文,指最近正計劃賣樓移民,而其單位已供款幾年,現時放盤仍可獲利,正尋找適合的買家。

提議8折轉售物業予堂弟

事主平日與叔父甚少聯絡,惟對方得知其移民消息後便立即向他打探;事主見叔父突然主動關心近狀,已心感不妙:「平時一年都講唔夠十句嘢,除咗新年同清明之後都冇乜機會見到佢,都知唔方有乜好嘢。」果不其然,叔父指事主既然打算離開香港,建議他索性將物業留給其兒子居住,稱可以每月繳交2、3,000元租金作供款,其後再以8折轉售購買:

「阿叔話,反正我父母間公屋已經買咗,唔怕冇地方住,加上我層樓都仲要供多十幾年,不如留層樓畀個堂細佬,最多交番二三千蚊租,供完咪八折賣畀佢......」

堂弟一事無成靠打散工維生

他透露,叔父從事地盤工程,已跟妻子離婚,平日愛賭如命又愛嫖妓,形容他:「由我有記憶開始佢已經有幾多賭幾多,啲錢唔係用嚟召妓就係賭錢。」至於其堂弟為人懶散、不學無術,只靠打散工維生,

「由細到大都讀唔成書,中三之後返一日學就休兩日咁,考試全紅,仲要喺屋企量地兩年先肯打吓散工,佢阿爸我阿叔叫佢返地盤,又話辛苦又話自己有學識唔應該出賣勞力……」

狠批叔父「劏自己人」

事主續指,叔父常讚賞自己是「叻仔」,指他移民後亦不愁無工作,又稱「外國樓平啲,唔難買」,著事主在外國安頓置業也未遲;同時又以「一世人兩兄弟,唔通益外人」為由,企圖說服他以8折轉售物業。不過事主表示,其物業已在兩年內升值不少,形容「家吓賣出去都有賺」,最終並無答應叔父提議,一笑置之。他又指,自己與堂弟並非親兄弟,認為對方只借親戚之名「搵笨」,狠批對方「劏自己人」:

「如果真係一世人兩兄弟,我不如留層樓畀個妹好過畀個垃圾廢物堂細佬,仲有『堂』細佬唔係『親』細佬呀......乜都係兄弟兄弟,隔咗層就隔咗層啦,劏都劏自己人……成世都係廢柴嚟。」

網民:搵自己人笨

帖文引起網民熱議,許多網民都認為事主的物業具升值潛力,批評其叔父「唔熟唔食」,假借兄弟之名「搵笨」;加上其堂弟一事無成,擔心即使以8折轉售亦未必能承擔樓價,著事主切勿答應對方提議「蝕賣」單位:

↓ 點 擊 圖 片 放 大 ↓

  • {{hket:inline-image name="011.jpeg"}}{{/hket:inline-image}}
  • {{hket:inline-image name="010.jpeg"}}{{/hket:inline-image}}
  • {{hket:inline-image name="008.jpeg"}}{{/hket:inline-image}}
  • {{hket:inline-image name="007.jpeg"}}{{/hket:inline-image}}
  • {{hket:inline-image name="006.jpeg"}}{{/hket:inline-image}}
  • {{hket:inline-image name="005.jpeg"}}{{/hket:inline-image}}
  • {{hket:inline-image name="004.jpeg"}}{{/hket:inline-image}}
  • {{hket:inline-image name="003.jpeg"}}{{/hket:inline-image}}
  • {{hket:inline-image name="002.jpeg"}}{{/hket:inline-image}}
  • {{hket:inline-image name="001.jpeg"}}{{/hket:inline-image}}

港男為儲錢搬入外家公屋,一家7口迫400尺單位嘆家無寧日,詳情即睇:【下一頁

U Lifestyle App自家節目登錄《U TV》專區!

↓↓試玩、試食、試用影片任您睇↓↓

立即體驗

每朝索取《晴報》:精明生活.健康家庭.開心娛樂

撰文:黎穎芯