張振朗配音驚到面青

張振朗前晚現身《開心大綜藝》表演急口令，宣傳新節目《好聲好戲》。只見振朗唸急口令咬字標準，他笑說：「因為我15年拍《愛•回家》嗰陣，被人話我咬字唔正，之後我瘋狂糾正自己。」

振朗表示早前拍攝《好聲好戲》時壓力非常大：「配音本身真係好難，只可以靠聲綫表達喜怒哀樂。我真係好緊張，可能我入行咁耐未參加過比賽，依家諗番當然唔驚，但錄影嗰陣朱敏瀚話我喺台上面都青埋。」他笑言日後希望為動畫配音，嘗試靠配音賺錢。