互相准許拍親熱戲 湯洛雯讚馬國明夠開通

馬德鐘（馬神）、湯洛雯（靚湯）及陳煒等，昨日出席新劇《雙生陌生人》開鏡儀式。劇中一人分飾兩角的馬神，與陳煒既是夫妻，又與飾演舊愛的靚湯有很多感情戲，靚湯表示暫時與馬神沒有親熱戲，但如劇情需要也不抗拒拍，因TVB尺度有限。

問到男友馬國明會否批准拍攝親熱戲？靚湯大讚馬明開通：「佢唔會唔畀，如果真係要拍親熱戲，我會之前講聲。我哋未拍拖前，我同譚俊彥拍《失憶24小時》都有咀戲，對我嚟講都有啲激。（播出時）男朋友都九秒九睇咗，但拍拖後就未拍過親熱戲。」馬神亦笑說無壓力：「我係專業演員，做好自己，唔使諗咁多。」另外，靚湯後日34歲生日，剛巧馬明已在內地拍完劇集回港，靚湯預告當日不用開工，會跟男友香港一日遊慶祝，可能去行山或去主題公園。

採訪：Pauline

攝影︰林良明