好聲好戲｜「傻姑」陳安瑩一配三勁屈機 「懶音王」馮盈盈爆冷獲正評

由阮兆祥、賴慰玲主持配音比賽《好聲好戲》，昨晚（3日）於翡翠台首播。被封為「過期鮮肉」的何廣沛、「爆騷女王」馮盈盈、「國際級藝人」易宇航及「傻界始祖」陳安瑩，在後台即場為一段戲配音，讓評判阿姐（汪明荃）、劉江及陳欣等，估一估他們是誰及作出評語。

擁有豐富配音經驗的陳安瑩，先聲奪人，挑戰《神鵰俠侶》一場戲，一個人配三把聲音，大獲好評；「懶音王」馮盈盈配到喊晒又甩假眼睫毛，卻意外地得到大家認同！至於兩位男士，暫時得不到評判團的垂青。

{{hket:inline-image name="05041005.jpg"}}{{/hket:inline-image}}

{{hket:inline-image name="05041011.jpg"}}{{/hket:inline-image}}

「傻姑」陳安瑩事隔9年亮相無綫 《好聲好戲》配音咩事激動落淚？【下一頁】

「傻姑」陳安瑩在這集壓軸出場，揀了《神鵰俠侶》來配音，大騷實力以一個人去配小龍女、孫婆婆及少年楊過的聲音。阿姐聽完覺得把聲好熟，認為自己跟對方曾合作，當見到陳安瑩現身後，阿姐忍不住問她入行後先是做戲還是配音，陳安瑩答：「因為（藝員）訓練班有配音課程，嗰時舉手話去配音組，但係（公司）簽我係去幕前。我同配音組啲人好熟，自己有喺出面配音，又做吓戲，兩方面一齊去做。（演戲可以幫助到把聲？）絕對係！角色會有局限，即係做戲我做唔到男仔，但配音我可以做到男仔。（如何訓練自己做到男仔？）係心態，我而家係男仔就係一個男仔！」

陳安瑩又跟「戴翅偉」袁淑珍相認，原來二人是同期訓練班同學，而龍天生亦是她的師兄。最後她對鏡頭說：「我今次是以配音員身份嚟到參賽，我係配音員，要為配音員發聲。」

另一女將馮盈盈則聲演《宮心計》小演員哭別田蕊妮的慘情戲，要邊喊邊唱歌。阿姐大讚她似小朋友聲，效果不錯；而陳欣說：「唱歌嘅節奏方面，完全跟番嗰個小演員口形，我覺得嗰度唱得幾好。」劉江亦讚她夾到口形，導師何璐怡讚她夠中氣，袁淑珍就提議用內心去感受台詞。馮盈盈從後台現身後，喊個不停，話聽到評語後更感動，最搞笑抹眼淚時整甩假眼睫毛，「一直以嚟有好多聲音，話我懶音好嚴重，咬字有問題，把聲好難聽，一聽到就想熄電視！所以聽到有呢個比賽，我真係好想嚟學嘢，改善呢方面問題，突破自己。」又指希望這場戲帶來新鮮感，讓觀眾可以聽到她另一把聲音。

Master's Talk｜馮盈盈招窮男友搣甩「拜金」污名 事業型男埋身:淨係有錢嘅嚟搵我【下一頁】

何廣沛是第一個出場的參賽者，斗膽揀了評判劉江在《平安谷之詭谷傳說》中怒打「二姨太」蘇玉華的場面。結果被劉江毫不留情狠評，就連主持的阮兆祥聽到也「吓」一聲，何廣沛當場嘴扁扁……劉江說：「好渣！你睇唔到㗎咩？第一，甩晒嘴，第二，好虛，我哋（用聲）係好實（在）打落去，唔掂﹗」在場導師之一的黃鳳英亦言：「佢捉唔到劉老師啲氣，同埋食字，又咪唔到嘴，啲氣爭啲。」

（↓點擊放大睇圖片↓）

何廣沛亦有自知之明，「入咗行8年，都拍過唔少劇，身邊啲人話我把聲好高音，又唔夠厚，呢啲都係我嘅致命傷！多謝佢哋好直接咁批評我，令我知道有好多不足，希望之後有改善空間。」之後出場的易宇航挑戰古裝劇《洛神》，同樣不獲好評，劉江給他的評語是「不合格」。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】