愛回家│Andy一連三晚重頭戲搞禍「龔水」 崔錦棠角色登場四周年感觸良多

《愛回家之開心速遞》預告所見，繼吳幸美擔正主角之後，今個星期一連三晚（第1230至1232集）將會有Andy劉德華（崔錦棠飾）的主線劇情。在無綫發布的預告中可見，Andy先與Elaine（李芷晴飾）再次嘗試發展，甚至得到Rebecca（沈可欣飾）及熊若水（呂慧儀飾）的幫手推波助瀾，不過就未知結果；Andy後來又轉向討好若水，甚至踩上熊家，令男友龔燁（張景淳飾）醋意大發，更發動反擊戰，趕走原本會調職去尋寶圖幫手的Andy。

《愛回家》Andy同Elaine拍拖戀情一集限定 51歲崔錦棠運動員出身Keep住Young【下一頁】

{{hket:inline-image name="ANDY2_600.jpg"}}{{/hket:inline-image}}

到底Andy發生咩事要討好若水？點解龔燁要呷Andy醋呢？可能要待播出才知究竟。不過難得的是Andy在劇中有一連三晚的主線劇情，而巧合地崔錦棠剛剛才在社交平台回顧自己角色在《愛回家》的4周年，莫非這是監製送給崔錦棠的一份大禮？

崔錦棠接受《晴報》電話訪問，他表示第一次在劇中有一連三集的主線戲，非常感恩，亦感激監製和編審們的支持。至於劇情發展，崔錦棠暫時「封嘴」不肯透露，不過他就說：「終於體會到拍主線班演員嘅辛苦，不過我好幸運，咁啱今次導演正係我第一部劇《實習天使》嘅導演。今次我同Elaine真係情海翻波，而同龔水都會有對手戲。（驚唔驚龔水粉絲會嬲？）驚呀，不過我係Cheap精Andy，又唔係男神搶走若水，冇乜殺傷力嘅。」

（↓點擊放大睇圖片↓）

《愛回家》Andy│崔錦棠右耳缺陷從自卑磨練意志 「缺乏的人才會有得到的喜悅」【下一頁】

提到剛好是崔錦棠加入《愛回家》4周年的日子，他在Facebook回看當日的照片，相中後面兩位演員已經甚少在劇中出現，而呂慧儀和鄭世豪原本在劇中的戀情都已一早結束。崔錦棠說：「當時連『劉德華』呢個名都未有，好開心大家喺《愛回家》認識我Andy呢個人，令我好順利入到屋，而家連街坊甚至租樓業主都認得我，真係好開心。拍攝過程中，接龍花生三友嘅杜大偉同鄧永健真係幫我好多，之前好多時喺『初戀Cafe』冇啦啦搭嘴，到後來真係慢慢加戲份，磨練演技，真係越來越好玩，觀眾又睇得開心。」

崔錦棠感激《愛回家》讓他有穩定的收入，而「花生三友」近日更得蒙客戶的喜歡，拍攝了一輯海外樓盤的廣告，令他有意外的收穫，他表示：「希望疫情盡快完結，我哋三兄弟可以一齊去登台搵吓錢，咁樣就最開心。」

（↓點擊放大睇圖片↓）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉