《愛回家》｜吳幸美劇中反映做主持笑中有淚 曾一周連踩七日勤力兼零怨言

吳幸美作為《東張西望》主持早已深入民心，連處境劇《愛回家之開心速遞》都搵佢客串做劇中《慌張西望》嘅主持。而於昨日一集《愛回家》中，吳幸美由客串「升呢」做呢一集嘅女主角，仲用埋真名做角色名！

{{hket:inline-image name="ng.png"}}{{/hket:inline-image}}

昨日一集吳幸美以《慌張西望》主持嘅身分登場，原來佢係演若水（呂慧儀 飾）於中學時期嘅學姐，求知慾仲好強。咁啱根叔（劉丹 飾）居住嘅大廈最近出現一位「信箱怪人」，不斷破壞住客嘅信件。一班街坊叫根叔解決呢件事，根叔就請吳幸美追查信箱怪人事件。不過因吳幸美在追訪時不斷遇上挫折，漸漸磨滅了她對工作的熱枕，更大嗌一句「我唔撈啦！」

{{hket:inline-image name="ng3.png"}}{{/hket:inline-image}}

根叔一家後來得知吳幸美的苦處後，若水決定要幫她重燃對工作的熱誠，遂派出金城安（周嘉洛飾）、朱凌凌（吳偉豪飾）、艾頓壯（焦浩軒飾）幫手。三人替吳幸美拍實測片，除了減肥操外，更要親身試「斷片酒」，充分體驗幕後工作的艱難之處。

後來信箱怪人再次出動，街坊都希望吳幸美能成功找到信箱怪人，而她就因街坊的支持重新振作起來；最後吳幸美成功等到怪人出現，重拾對主持工作的熱枕。

（↓點擊圖片放大↓）

昨日一集為吳幸美度身訂造，劇情笑中有淚，仿如她現實工作的寫照。她曾一星期工作7天，更試過2至3日不睡覺不停工作，完成主持工作後就去拍劇，十分勤力。問到吳幸美在《東張西望》採訪時是否都是如此辛酸，她表示：「其實每個行業工作都會有開心又有辛苦嘅時間，反而我好多謝《東張西望》呢個節目，監製，AA，導演等同事全部都係睇住我成長，好似家人一樣，佢哋好照顧我，好愛錫我，工作上都好保護我。我哋工作時幕後同事比我辛苦多幾倍，但大家為咗工作，為咗幫到社會上有需要嘅人都絕無怨言！」

{{hket:inline-image name="ng15.png"}}{{/hket:inline-image}}

她又表示好感恩能做到《東張西望》的主持，「因為呢個節目令觀眾認同吳幸美係一個好勤力、好肯幫助人同充滿正能量嘅主持！」她又笑言《愛回家》劇中某些劇情加入了較誇張的元素，「令劇情更豐富更吸引！」未知吳幸美將來會唔會好似劇入面所講，可以加入處境劇，成為常設角色呢？

{{hket:inline-image name="ng18.png"}}{{/hket:inline-image}}

愛回家│吳幸美由客串變主線下周做主角 「劇中我同熊若水有啲關係」 【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】