ERROR自肥企画｜惡搞動漫改歌詞自嘲低價製作 網民讚193扮女人 咩係「Big壁精奴」？

由ERROR成員何啟華（阿Dee）、梁業（肥仔）、郭嘉駿（193）及吳保錡（保錡）主持，ViuTV全新綜藝節目《ERROR自肥企画》昨晚（3日）首播。四子繼續惡搞唔使本，務求挑戰觀眾抗笑能力，出場即Cosplay日本人氣動漫《新世紀福音戰士》，阿Dee扮男主角碇真嗣，肥仔是碇真嗣爸爸碇源堂，193反串扮女主角綾波麗，保錡扮主角操作的巨大機械人（EVA初號機）。

{{hket:inline-image name="05042003.jpg"}}{{/hket:inline-image}}

{{hket:inline-image name="05042008.jpg"}}{{/hket:inline-image}}

193敢言反擊爆紅｜ 曾志偉生日避談風波與老友慶祝 無綫FB出漫畫自抽嘲高層身高【下一頁】

ERROR今次亦找來「Double S」客串，陳欣妍扮《新世紀福音戰士》「指揮官」葛城美里，沈殷怡扮「技術員」赤木律子，造型神似，並將動漫的主題曲《殘酷天使的行動綱領》改編成為《無制限OT編集団の行動綱領》，製作相當之認真。

《無制限OT編集団の行動綱領》由麥可暉作詞，主唱是劉諾衡featuring無制限OT合唱團，內容極盡挖苦，似暗藏ERROR及打工仔的心聲，「係咁OT我畀埋條命你好冇」、「形象怪已做爛做到灰心心淡」、「拍嘢冇錢難行」、「貼錢打工想喊」、「係啊冇錢㗎我為甚麽要做奴隷」及「For香港観眾畀埋條命你最好」……肥仔懶正經解釋今次新節目內容，「我哋四個將會藉住連環激鬥嘅遊戲環節，去爭取獎金獎品，滿足自己嘅一己私慾；除此之外，我哋會動用製作組資源，去做一啲個人增值嘅嘢……例如整條片出街……咁就大功告成嘞﹗」

再窒TVB「千禧五虎」 193＠ERROR︰仲用呢啲字咁娘咩【下一頁】

四子之後按照信封指示，去領取紀念雕塑一個，但他們心知不妙，知道導演擺明整蠱他們，並估到ViuTV吉祥物「生Bear」被炸爛！眾人用手遮住雙耳，193忍不住話第一集就爆破，「製作費會好貴」，而肥仔搞到甩掉假鬚。

全晚第一個遊戲叫「Big壁精奴」，擺明寸無綫旗下頻道Big Big Channel，大玩食字。只見四子換上白色「精子」服裝，抽籤選擇衝過面前四道發泡膠門，當中只有一扇是安全門，順利過關的人可獲得一千元，最後由阿Dee奪得首集的獎金。

（↓點擊放大睇圖片↓）

雖然第一集看似無聊，不少網民仍看得好開心，並於討論區上留言：「好正，爆生啤真係傳统來」、「半個鐘根本唔夠喉」、「自從Poki（保錡）宣布停止ERROR工作之後，出鏡次數仲多過未雪之前」、「一開始以為33扮緊多啦A夢」、「193夠扮女人啦，又唔見好似王祖藍佢哋咁反感？真係個創意問題呀大佬」及「真係cos得好有心」等。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】