居住問題｜與女友月入$5萬租劏房儲首期 港男嘆儲得慢得$50萬 「係咪唔使旨意買到樓」

香港樓價高企，不少情侶難以「上車」成家立室，只好捱「貴租」。近日有港男在網上發帖，指自己與女友月入合共5萬元，正在儲首期買樓；兩人因有住屋需要而租住劏房3年，因而只儲到50萬元。由於有感無力「上車」，事主不禁大嘆：「冇父幹，係咪要成世租劏房？」

該名港男在「連登討論區」以「同女友加埋月入50k係咪唔洗（使）旨意買到樓」為題發帖指，自己與女友月入合共5萬元，二人均沒有「父幹」；如果賣去股票的話，只得50萬元可以作首期，「（買樓）雜費都要幾十萬，即係買5m（500萬）樓要預80萬頭炮。」至於買樓原因，事主直言「驚老咗要瞓街」，不願一世租屋。

事主又指自己儲錢儲得慢，與女友已在外租住劏房近3年，月租連水電費8,000元，有感置業一事遙遙無期：

「係咪要成世租劏房......除咗中六合彩或抽中居屋，擺脫唔到絕望。」

事主又透露，自己今年32歲，女友27歲，兩人已有共識不生育下一代，以免增加支出。他又指自己不願買入樓齡較舊的單位，對近期於旺角發售的樓花有興趣，但亦形容自己只是「痴心妄想」，心知若買樓隨時一鋪清袋，只好寄望兩年後能儲錢成功買現樓。

網民：冇運抽公屋又買唔起咪惟有租

帖文引起網民熱議，有人指事主除了租樓外，亦可多留意大西北地區的樓盤；又有人認為事主要求過高，就目前儲到的首期來說，不必強求買新樓，建議他與女友重新調整買樓要求，或者嘗試抽居屋。另外，有網民建議事主可考慮移民「住大屋」，不過事主就回應表示雖然也曾想過，惟女朋友不願移民。

↓ 點 擊 圖 片 放 大 ↓

置業買樓｜一家四口住公屋父母儲$200萬 盡花積蓄助讀神科幼子上車被斥偏心，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：林幸琦