男友遭母親經濟封鎖 裕美每月5位數字供養林作

裕美與林作拍拖以來，戀情一直被林作媽媽強烈反對，林媽媽更經濟封鎖林作。不過裕美無有怕，原來轉行經營珠寶生意的她收入愈來愈多，更每月給林作五位數字零用錢，難怪裕美笑指男友絕不敢打她。

裕美前晚到觀塘出席網上直播音樂會，她笑言已超過一年無公開獻唱，但不想跟男友林作合唱︰「林作講嘢好乸，我講嘢仲man過佢。佢唱歌五音不全，好似細路仔吊高把聲，有時壓低聲唱，我成日叫佢要man啲。」裕美自言喜歡精壯的男人，不過她亦讚林作有內涵及有安全感。

提到林作日前參加拳賽落敗，裕美指男友的頸部及手臂肌肉拉傷，她笑笑口說︰「我對佢從來唔會『肉痛』，我話介紹物理治療師畀佢，但佢想自然好。」會否擔心林作練拳時會打她？她笑說︰「佢試下打我，我實打死佢，佢唔敢撩我，佢話我仲要養佢。」

爆林母使錢習慣

近年做珠寶生意的裕美，原來收入已高過林作幾倍，加上林作遭母親cut信用卡「棄養」，所以裕美索性供養男朋友︰「通常出街都係我畀錢，我好闊綽嘅，反而林作畀錢就計住計住，咁樣好難發達。（給林作多少零用錢？）我每個月搵佢幫我間珠寶店做簡單嘅法律諮詢，會畀五位數字酬勞，我當係投資，或者將來喺佢身上掠一筆呢。」愈講愈多的裕美更大爆林作媽媽非常捨得花錢買名牌手袋，但搭的士時找續少了兩元都會投訴，她笑指可能是有錢人的特質。及後，裕美在社交網上搞笑「警告」林作說：「唔好得罪我，否則我以後唔會養你！」

撰文︰Iris

攝影︰林良明

美術︰梁政敏