吳業坤同193合照唔驚得罪TVB

吳業坤（坤哥）前晚錄影《勁歌金曲》，提到ViuTV男團ERROR成員193（郭嘉駿）因反擊曾志偉言論而爆紅，但坤哥仍在網上分享與193的合照，坤哥不擔心被公司無綫照肺：「唔驚，公司好大方，都無問我。其實我兩年前都邀請MIRROR做演唱會嘉賓，當時樂小姐（樂易玲）都有嚟，唔覺得有矛盾，同埋我同193今次傾談喺網上平台合唱。」如果公司反對？他說：「如果有適當理由，例如廣告商撞咗，或合約上有問題就唔做，但呢啲都係普通網上合作，無考慮其他因素。」

坤哥在日本working holiday後返港，他笑言一回公司即被高層接見：「我見咗樂小姐同何生（何麗全），報告下發生咩事，佢哋話遲啲畀兩集節目我介紹當地。」坤哥坦言受寵若驚：「估唔到咁錫我，我成日以為走咗之後無人記得。」

攝影︰林良明