莫文蔚疫情下搵番自我

莫文蔚（Karen）日前接受《StarTalk》主持許文軒訪問，大談相隔16年再開紅館的感受。Karen指今次是她最後一次舉行大型演唱會︰「我唔會再猶豫，我覺得每樣嘢都應該有始有終，利落啲，更何況我做呢類型巡唱已經十幾年，已經好圓滿。」

Karen透露完成個唱後，會改變生活節奏，將時間留給家人和老公Johannes︰「疫情令我180度改變，發現原來有另外一個莫文蔚住喺裏面。我以前一味工作，要keep住好忙先安樂，坐多陣都唔得；自從上年返咗英國過二人世界，開始知道乜嘢叫做享受生活，我會煮下嘢食、打理屋企同種花。最開心同最莫名其妙嘅係重拾彈琴興趣，以前考晒琴試就放低咗，其實學習每樣嘢應該係要享受，所以不停咁練習。呢排練咗咁多都有用，可以趁今次演唱會彈下畀大家聽！」