一年內2度流產 難忍傷痛拒再生 符曉薇剖白︰有女兒Abi就夠

陳柏宇和太太符曉薇（Leanne）育有兩歲女兒陳羿辰（Abigail），並一直積極追第二胎。昨午陳太自爆早前已做人工流產手術，是她在一年內第二度痛失胎兒。雖然Leanne拍片交代情況時難忍淚水，但仍感恩稱︰「如果無Abi喺度，心情會好差！」

35歲的符曉薇於18年為陳柏宇誕下女兒Abi，去年五月曾懷上第二胎，可惜不幸證實宮外孕。但Leanne未有氣餒，她在今年新年前夕再度懷孕，可惜肚內的B仔患上極罕見的「愛德華氏症」，Leanne無奈在懷孕13周時接受人工流產手術。昨午，她在IG發布自己在人工流產前，特地與老公及女兒Abi拍攝的全家福，並以「親愛的13週的仔仔」為題發千字文，披露心路歷程。

胎兒問題多難接受

Leanne又在YouTube個人頻道上，上載做人工流產手術前一晚拍下的剖白短片︰「上年經歷宮外孕，切咗條輸卵管都好唔開心，今年新年前知道自己懷孕，呢段時間都好驚，每日都嘔得好勁！」Leanne透露懷孕11周時做產檢，發覺BB出問題︰「醫生check到BB頸皮厚，反映唐氏或心臟有事。」她與老公商量後，同意BB即使患唐氏綜合症，也決定生下BB照顧；但檢查報告卻顯示B仔患上極罕見的「愛德華氏症」：「呢個病喺5,000個孕婦中只有一個中，六合彩唔中，估唔到我中咗，之後搵另一個權威嘅醫生，醫生照我肚時已同我講『唔好意思，你個BB好多問題』，BB個腦左右無分開，心口有大窿、無鼻骨、手少了一隻骨，腳都係彎！」

林芊妤送暖派心心

連環面對傷痛的Leanne，坦承對再次懷孕信心全失︰「我有Abi一個就夠，如果無佢喺度我心情可能好差。其實我比好多人幸福，有啲人試過好多次都未必有，我好順利有Abi，唔好貪心，一個就夠！」她邊講邊感觸落淚︰「唔好問我幾時生第二個同依家點，我想講好好，但我唔係好好，會努力變番好好！」早前同樣經歷流產傷痛的林芊妤（Coffee）留言祝福︰「我相信好運一定會降臨你身上的，因為Abi已經是你生命中很好的例子，給你無限的心心。」多位圈中靚媽陳凱琳、倪晨曦亦送上鼓勵。本報昨午聯絡Leanne，她以短訊回覆︰「我哋片同po已經表達晒，謝謝！」她昨日傍晚在限時動態上載與母親合照︰「我有個偉大嘅媽媽，日日陪我食嘢，煲湯畀我！」相信Leanne心情逐步平復。

撰文︰Steven

美術︰梁政敏