健康旦訪問｜張繼聰對住個女難敵喊功冇晒符 曾患情緒病 感激謝安琪照顧家庭

鄭丹瑞（旦哥）去年開設個人YouTube頻道《健康旦》，每條影片均有不同嘉賓分享健康與養生心得。而這一集他邀請到張繼聰，分享他以前曾患情緒病的經歷及照顧兩個小朋友的生活點滴。

{{hket:inline-image name="173927614_865443000847359_6871867683576043003_.jpg"}}{{/hket:inline-image}}

旦哥問到，阿聰覺得現時家庭定工作給他較壓力，阿聰表示︰「自己算好彩，因為工作上做緊自己鍾意嘅嘢，又唔會覺得有壓力，係有挑戰、難度；做緊一樣自己鍾意嘅嘢，我覺得嗰種壓力係可以承受嘅。」

他又指由於疫情關係，小朋友都留在家中上課，這才是一些壓力的來源。「舊年好多時候都喺屋企，小朋友冇得返學。囡囡由Nursery到K1都冇乜返過學，我好似要同佢一齊讀K1咁樣。你知啦，3歲幾嘅小朋友點會喺電腦前上到咁耐堂？我就要朝早起身一齊上堂。咁壓力就係……首先一定要起到身啦，同佢一齊上堂，有時仲要一齊做功課。我諗唔單止係我，全港家長都係咁，所以小朋友一復課，各位家長都暗暗鬆一口氣！」阿聰指體會到處理一頭家真係好辛苦，再次多謝老婆謝安琪（Kay）打理好屋企，好畀心機處理家中瑣碎事情。

{{hket:inline-image name="louis.png"}}{{/hket:inline-image}}

阿聰在人生邊段時間出現情緒問題？他說：「我諗都係20至30歲個時，搵緊『我係成功定唔成功』呢樣嘢……嗰十年有身份認同危機，導致自己情緒好波動。由20歲喺演藝學院畢業，想完成歌手夢，到做咗歌手入咗娛樂圈，大嘅挑戰，好辛苦，難以適應……情緒上唔識得控制，身邊冇人話到畀我聽可以點做，要靠自己領悟。」

而在小朋友出世之後，他是在機緣巧合的情況下發現自己患上情緒病。「唔記得邊個小朋友傷風感冒，就帶佢去睇醫生啦，等嘅時候發現有情緒病嘅小冊子，評估完發現自己中晒！」又指當時知道自己唔開心，但無能力令自己開心番，就去睇醫生求診。

（↓點擊圖片放大↓）

阿聰又表示自己對音樂又愛又恨，「一開始我係玩音樂，但有好大段時間係音樂玩緊我！本身讀演藝係想做演員，唔覺意鍾意咗音樂。廿歲開始寫歌，但透過音樂得到大量挫折，不被認同、俾唱片公司拒絕、樂迷唾棄……行十步退廿步；同時音樂亦令我認識咗老婆、大量朋友，了解自己作為一個表演者應有嘅價值觀。」

現在音樂對他而言相當重要，「係每一個人生活裡，音樂可以幫你宣洩情緒、去治療。我可以透過寫歌抒發情緒。雖然音樂冇畀到獎項、名氣我，但佢畀咗我『實在』，例如應該點睇生活、點睇自己，呢樣嘢係更重要。」

{{hket:inline-image name="louis4.png"}}{{/hket:inline-image}}

談到他如何照顧兩個小朋友，阿聰表示大仔進入青春期，除咗鼓勵做佢想做嘅事外，仲要展開男人間的對話。「個仔開始大，有啲價值觀佢要接收，例如做人要有承擔、責任感，識得照顧妹妹。」

提到囡囡，阿聰認自己係家中「衰人」，「佢2、3歲就知我係可以欺負嘅人，有時忍住痛都要鬧！」但有時都「冇晒符」，要say住sorry咁教，「阿女好醒目，做錯嘢識扮喊，好識得用眼淚攻勢……我會抱住佢，由佢喊啦，慢慢同佢講番件事，喊係冇用。」

（↓點擊圖片放大↓）

天生攣毛好可愛｜謝安琪囡囡厭世樣影相好有性格 美貌被指似爸爸張繼聰甜到入心 【下一頁】