【聲明】港生活網站並無進行電話推廣活動

連詩雅︰師妹安排舊同學共聚

發佈時間: 2021/05/07

連詩雅(Shiga)在求學時期,是班中受歡迎的活躍分子,她說︰「14、15歲那年,有兩個感情非常好嘅女同學,喺我生日當日嚟到屋企,一入屋就叫我坐喺廳等,原來佢哋快手快腳入我睡房布置,當我入到房,佢哋將一個好似聖誕老人裝禮物嘅袋拎出嚟,裏面有好多份小禮物,我逐一拆開真係好開心。」

「另一個難忘生日,係舊年師妹黎紀君為我準備嘅生日party,原本以為只係同公司慶祝,點知佢除咗安排咗我哋兩人做spa再staycation,去到酒店打開門,我所有中學時嘅朋友都喺度。其實有好多佢都唔認識,但為咗畀我驚喜,就跟我嘅中學朋友聯絡,再安排呢個我諗都諗唔到嘅party,我前一天至約佢哋食飯,好多人都話唔得閒,我仲諗又係嘅,大家已經有咗家室同小朋友,諗住之後再補祝,點知原來大家都齊集酒店房,嗰一刻我喊到癲咗。」

連詩雅︰師妹安排舊同學共聚

Shiga和黎紀君情同姊妹,由對方張羅生日派對,Shiga非常開心。(資料圖片)