【聲明】港生活網站並無進行電話推廣活動

鄭俊弘︰老婆破壞二人世界

發佈時間: 2021/05/07

鄭俊弘(Fred)於去年11月7日和何雁詩結婚,11月10日是他婚後第一個生日,原本以為二人世界慶祝相當浪漫,豈料老婆卻為他帶來「驚喜」,他說︰「一早計劃好喺酒店過二人世界,點知佢叫晒我啲朋友去酒店一齊慶祝,畀surprise我,結果好熱鬧咁過咗婚後第一個生日,其實當日我要開工錄影《流行經典50年》,監製都好好畀我早收工返屋企同老婆慶祝,點知佢一手破壞,哈哈!」Fred指當日去到酒店,突然有人敲門,見到成班朋友很開心地跟他說「Happy Birthday」,其實頗驚喜又開心。

至於何雁詩送他甚麼生日禮物?Fred就大讚老婆有心思,「佢知我好鍾意一個平日慣用嘅水樽,於是就買咗好靚有特色嘅樽蓋畀我替換,個水樽日日開工都會帶住!」

鄭俊弘︰老婆破壞二人世界

Fred笑言太太何雁詩一手破壞他婚後首個浪漫生日。(IG圖片)