唐詩詠被指靚住發福雙眼皮變深 女人40成熟有韻味唔再似妹妹

視后唐詩詠一向都被讚「Girlfriendable」，不過尋覓另一半多年都仲未有着落，而呢位喺好多人心目中嘅「最佳女朋友」日前不經不覺已經踏入40歲，唔少疼錫佢嘅人都好想佢快啲搵到個好歸宿呀！尤幸詩詠保養得宜，日前佢喺IG Post慶祝自己生日嘅相，戴上皇冠封自己做女王。見相中嘅佢一啲都唔似40歲，不過就明顯唔再係當年嘅「千年妹妹」，變得成熟有韻味得多，呢種改變相信對演唔同戲路都有幫助。

{{hket:inline-image name="a3103d39a0bca3faf6b71b6a18cc33fc.jpg"}}{{/hket:inline-image}}

不過，詩詠近日喺抖音Post出嘅一條短片中，入面嘅佢就有啲「變樣」，甚至有人認佢唔到，到底係咩原因呢？詩詠早排到內地拍攝新劇《白色強人2》，佢同馬國明等一眾演員都好識做，拍咗唔少街拍片段，希望拉近同Fans嘅距離，非常親民。而最近一條抖音片入面，詩詠對住鏡頭「賣萌」，居然引起網民熱烈討論。

（↓點擊放大睇圖片↓）

唔少內地網民留言指覺得詩詠個樣唔同咗，甚至有人認佢唔到，留言：「有點像唐詩詠。」咩話？唐詩詠本尊竟然只係有啲似唐詩詠？不過都有好多心水清網民認到佢，仲話雖然佢肥咗但依然好靚：「肉肉的但還是很好看。」有粉絲更大讚詩詠由細到大都咁靚，仲話而家同米雪姐有啲似樣，不過就好奇點解佢雙眼皮比起以前明顯。有網民指出係抖音嘅濾鏡「累事」，其實佢同以前一樣，樣貌冇乜變化。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】