逆天奇案｜趙璧渝學生妹Look揭裙開槍夠型 入行8年多演閒角 終有望上位

無綫新劇《逆天奇案》剛播出一星期，外界反應不錯，首集收視高開25點，暫時成為2021年兩線劇集的收視冠軍。除客串演飛虎隊阿頭的「張Sir」錢小豪及超級女富豪「霍太」麥玲玲令人眼前一亮外，飾演主角「森Sir」陳展鵬的A組女成員「妹頭」的趙璧渝（Osanna），同樣讓劇迷留下深刻印象。皆因她第一集出場時勁搶眼，於行動中扮學生妹做臥底，在大角咀街頭參與圍捕罪犯行動。她勁有型地揭起裙掹出配槍，並跟重裝備的罪犯槍戰，可謂有姿勢有實際，絕不輸蝕同場其他男士。

{{hket:inline-image name="osannachiupikyu_181216867_1142944829512757_5182049513017228511_n.jpg"}}{{/hket:inline-image}}

{{hket:inline-image name="osannachiupikyu_180953214_1195999654235033_3459203058952234751_n.jpg"}}{{/hket:inline-image}}

【法證先鋒IV】除衫企40樓天台亂舞好牙煙 趙璧渝單親家庭成長捱住窮追夢【下一頁】

趙璧渝在《逆天奇案》中飾演O記（有組織罪案及三合會調查科）的A組隊員，「森Sir」陳展鵬是她的阿頭，其他成員包括有「戚哥」古明華、「車神」董敬文及「寡佬」林子超等，「妹頭」是隊中惟有的女性。趙璧渝首集出場交足戲，雖然要扮學生妹，仍英勇拿起槍跟匪徒駁火。之後幾集，她就以便服示人，未有再變裝查案，不過出鏡率都不少；跟飾演B組的「阿杰」楊柳青相比，暫時有較多的發揮。

現年31歲的趙璧渝從第26期無綫藝員訓練班畢業，2013年入行後參與過不少劇集，當中最出位是在《法證先鋒IV》中的演出。飾演銀行女職員「程淘」的她，要上身只戴黑色胸圍在天台邊緣危站，並不時向街外大叫，畫面相當驚險。趙璧渝得到不少監製賞識，有份參與不同劇集，據知未播出的有《唐人街》和《白色強人2》，而在周嘉洛首次做男一的古裝喜劇《痞子殿下》中，她亦有份演出。

趙璧渝接受《晴報》訪問，透露事前未有學過開槍，全靠翻睇前輩演出及武指教路，「拍攝前翻睇《陀槍師姐》系列，參考番關詠荷同蔡少芬嘅英姿。現場就有武術師傅指導，自己用假槍不停練習開槍姿勢，開槍點樣唔眨眼，原來係好有難度，因為我開嘅係真槍，槍聲同後座力都好大，所以要控制得好好。（扮學生妹感覺如何？有無嚇親人或自己？）我試造型嘅時候，公司同事以為我係玩制服誘惑、Cosplay，可能有嚇親佢哋，哈哈。其實知道要扮學生妹嘅時候都驚驚哋，因為中學畢業之後好少着校服，今次仲要揭裙掹槍同騷腿，係有少少壓力，所以特登去磨砂瘦腿，好彩出街效果觀眾好接受，話無乜違和感。」

（↓點擊放大睇圖片↓）

提到首集收視高開，有否令她想向「打女」路線發展？她說：「知道做打女真係好辛苦，不過都有諗過，因為本身有少少跳舞底子，加上我冇畏高，又積極學習唔同嘅技能，試過玩跳彈床、學過打空翻、泰拳同攀石運動，希望將來有需要拍動作場面時可以盡快上手。（將拍古裝喜劇《痞子殿下》？）我嘅角色係美容院老闆娘，會幫其他人美容扮靚，監製話我要學吓線面嘅手勢，咁我都有上網睇片練習。同埋已經有心理準備，就係夏天拍古裝戲一定會好熱好焗，會準備外景降溫百寶袋，帶定遮、風扇、退熱貼同雙飛人藥水。」

趙璧渝上年3月受訪時表示收入不穩，銀行戶口曾不足100元，問她現時經濟狀況如何？她說：「《白色強人》同《法證先鋒4》出街嗰段時間係多咗工作，收入相對上係好咗少少。但之後因為疫情關係，收入就差好多，所以希望《逆天奇案》出街後，會有多啲工作機會可以搵真銀。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】