理想職業｜兒子作文《我的志願》填消防員 遭婆婆以2大原因擦走要求重寫 港爸： 冇尊重過阿仔選擇

《我的志願》想必是每位兒時都曾寫過的作文題目。近日一名港爸發現，兒子在功課中填寫自己志願是當消防員，卻被外婆以「易死人工又唔高」為由強行擦掉，並要求他全文重寫，將志願改成做警察。港爸對於外母不尊重兒子的選擇感到不滿，同時亦擔心會影響兒子的思考方式，導致日後「只係會做啲所謂『大人鍾意睇嘅嘢』」。

「呢個唔關政治事請不要騎劫。」該名港爸周一（3日）在「香港討論區」以「小朋友寫《我的志願》係做消防員，但係婆婆夾硬改做警察……」為題發文指，他與妻子因為工作關係，有時會交由外母幫忙照顧兒子及檢查功課。但最近卻發生一則小插曲，令他重新正視應否找外母來照顧兒子。

事主憶述，周日（2日）晚他放工回家替兒子檢查功課及收拾書包，打開功課簿後發現有文字被擦膠擦光的痕跡；由於他向來要求兒子要保持功課整潔，遂詢問對方原因。未料，兒子竟表示是婆婆擦花他的作業：

「佢話今日老師要佢哋寫大個想做啲乜，原本寫消防員，但係婆婆見到就話消防唔好，又易死人工又唔高，叫佢擦咗佢寫警察。」

功課遭擦掉要求重寫

事主續指，已完成作業的兒子起初不願重做，未料外母竟趁他玩玩具時偷偷擦走作文內容，並要求改寫志願為「警察」；外母又利用事主的名義威脅孫兒，令他只好就範重寫，外母指：

「阿爸唔會信你做完畀人擦㗎，你唔寫警察我就擦多次！」

事主解釋，令他最不滿的不是作文內容，而是外母竟沒有尊重兒子的選擇，「夾硬改佢功課，仲要擦走小朋友啲心血，仲要拎我個名嚇阿仔，真係唔可以接受。」事主又認為，自己一直教導兒子要獨立思考，現在卻擔心小朋友會受外母的影響，

「我驚阿仔之後只係會做啲所謂『大人鍾意睇嘅嘢』，呢件事係我唔願意見到嘅。」

妻子建議先與母親溝通

最後，港爸表示雖然有想過是兒子說謊，惟他不認為事件中兒子有說謊的原因，「唔覺阿仔有講大話嘅動機。」事後他向妻子反映問題，但對方卻認為母親只是出於好意教好孫兒；事主不同意外母的教育方法，直言：「想教佢都唔係擦走佢啲功課呀？」妻子於是建議事主與外母溝通，遂發帖詢問一眾網民：

「我應唔應該同婆婆照直講呢？」

網民：咁樣對小朋友真係唔好

帖文引起網民討論，有人認為消防員工作時要面對的危險較多，相信事主外母只是「為個孫好」，而作兩次文更可提升寫作能力。不過，絕大部分人則不認同事主外母的做法，認為這樣做或會影響其兒的思考方式，甚至抹殺小朋友對未來的憧憬，「咁樣對小朋友真係唔好」：

↓點擊圖片放大↓

怪獸爸爸｜港爸每日陪女兒Zoom出聲搶答 老師屢被「捉錯處」阻全班上堂，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

撰文：林幸琦