食腦頻道｜孖何廣沛郭子豪拍片惡搞無綫劇 方紹聰：係致敬番公司嘅劇集

方紹聰（奶仔）、何廣沛及郭子豪近日開設「食腦 BrainStorming」頻道，暫時網站內的預告及正式影片，合共有8條片段，內容見到以搞笑題材為主，當中名為「一起走過幕後的日子-威也組」及「一起走過幕後的日子-臨時演唱組」的影片，聲稱是向劇集《黃金有罪》及《使徒行者》致敬，當然三子是惡搞成份多，旨在氹大家開心笑一笑。

{{hket:inline-image name="05073018.jpg"}}{{/hket:inline-image}}

{{hket:inline-image name="CG2_600.jpg"}}{{/hket:inline-image}}

【野外步出】方紹聰YouTube拍行山片有意外收穫 首次「孭飛」做節目主持上山下海【下一頁】

在「威也組」片段內，三子飾演拉威也的龍虎武師，奶仔飾演性格較遲鈍的，被郭子豪責備他不小心令兄弟受傷，因此講不到說話，可是對方卻因禍得福，獲得飾演「初哥哥」的機會，擺明影射於2019年拍《降魔的2.0》吊威也戲受傷的胡鴻鈞，先送上一個爛Gag。之後接上張兆輝、姚子羚及蕭正楠的《黃金有罪》，原來他們是扮嘢做戲中戲，為劇中被車撞的姚子羚拉威也，你一言、我一語，講到自己好緊張又認真，極度樣衰下用力過度，令姚子羚在半空中飛得極誇張，郭子豪嘴形似講「X街」，而奶仔傻傻的話：「保證夠力」，最後導演上前作勢鬧人，何廣沛和郭子豪即挾奶仔逃離現場。

三子之後在「臨時演唱組」片段內，重演《使徒行者》林峯和佘詩曼被社團人士追殺場面，他們當然又出事，何廣沛不停走來走去，喘晒氣話要等主角講完對白，奶仔就不斷擺甫士，而郭子豪就懶有見解去分析，決定以慢幾拍動作去做。鏡頭一轉，導演叫了他們去訓話，很不滿何廣沛和奶仔演法，反而很喜歡郭子豪的，笑言下次會找他當男主角，令眾人相當意外。

奶仔接受《晴報》訪問時透露，指今次頻道跟劇集《食腦喪B》也有些關係，因為就是合作這齣劇，他們建立起男人之間的友誼。至於頻道會否在電視上正式播出，「我哋只係攞拍劇以外嘅時間去製作，我哋團隊都好熱血，希望可以帶到啲歡笑畀觀眾，亦希望可以吸引到啲網民留意到，想同網民多一啲互動，只要佢哋留言話想睇啲咩，我哋會盡量製作。又無話要做幾多集，亦暫時無放上電視播嘅考慮，我哋相信喺邊個媒體播都係一樣，最緊要觀眾睇得開心。」

《過街英雄》方紹聰演智障男被屈殺人感受良多 常與胞姐結伴坐車習慣奇異目光【下一頁】

奶仔話大部份的拍攝內容，是出於他、何廣沛及郭子豪的個人睇法，暫時上架的幕後系列，主要是想表揚幕後人員的辛酸，「嚟緊當然有啲更爆嘅片，除咗大家見到預告有啲速食個包，我哋拍到忍唔到笑嗰啲片，大家就要好好留意吓。（惡搞公司劇集無問題？撞到劇中演員會尷尬？）我哋唔係惡搞，係致敬番公司嘅劇集，撞返劇中啲演員又唔會尷尬，因為全部都係朋友，講吓笑，唔係用一個整蠱角度去做，只係想做啲嘢，令大家開心，令大家笑﹗」提到近日ViuTV爆紅節目《ERROR自肥企画》同樣搞笑為主，怕否外間將兩者作比較？他表示：「我哋無咁勁，只會繼續努力有創意地自嘲。多謝支持，感激萬分﹗」

（↓點擊圖片放大↓）

此外，奶仔近日忙於拍攝《野外步出》第二季外，還力撐好友何廣沛的比賽，拍住上在《好聲好戲》節目內挑戰配音。他表示：「有一日見到廣沛，佢話參加《好聲好戲》呢個配音比賽，面對劉江老師、汪阿姐、同埋一眾著名配音老師，每一次上台都好大壓力，然後我笑笑口同佢講『唔使驚啦，呢啲跟前輩學嘢嘅機會好難得，你要珍惜哦。』，佢見我講得咁口響，就捉埋我上去同佢一齊面對挑戰，我想講嘅係，原來……配音真係好唔簡單，係一樣充滿技巧、內在的藝術，而且上到台配音，只有一次機會，幾十對眼望住你，真係會頭頂發麻、腳震嘅。」奶仔反過來要多謝何何廣沛陪他一齊通宵練習，兩個一齊驚住上台，最重要是希望大家睇得開心，而他這次亦是獲益良多。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】