舊日的足跡│陳凱琳媽媽曾抗拒鄭嘉穎做女婿 剖白子女被指似印度人箇中原因

聽日母親節，香港電台第一台《舊日的足跡》主持車淑梅特別邀請陳凱琳母親陳劉惠嫺 （Connie）擔任嘉賓，Connie先後育有大女Joyce及一對龍鳳胎Grace和Derek，成為三孩子母。近年Derek多接觸幕前的工作，不少網友都談論到他跟Grace的樣子都似印度人血統，特別是兩姊弟跟大家姐的樣子都相差甚遠。Connie說：「其實 Grace同Derek龍鳳胎出世嗰陣同大家姐一樣非常白淨，但突然喺14、15歲嘅時候眼大咗、臉尖咗，阿仔鬚根多咗，可能我嘅媽媽係馬來西亞人，擁有亞裔嘅容貌，細路又喜歡戶外活動，又或者加拿大嘅食物有好多荷爾蒙啦！」

母親節媽媽聲│陳凱琳排行第二曾自覺被忽略 「當媽媽要學會感恩和道歉」【下一頁】

{{hket:inline-image name="bad.jpg"}}{{/hket:inline-image}}

{{hket:inline-image name="57506145_135718167497583_544235408949090126_n_600.jpg"}}{{/hket:inline-image}}

提到有傳大女Joyce因有感不及妹妹Grace美貌而自卑，Connie說：「大家姐 Joyce 比較運動型、率性、唔計較，係好柔和嘅人；相反 Grace 3、4 歲開始已經唔著裙就唔肯出街，有一次去海洋公園，佢硬要著裙，否則佢寧願唔 去，結果佢真係選擇留喺屋企。坦白講，Joyce 14、15 歲進入青春期，我真係問過佢『如果有人話妹妹靚過你， 你會唔會唔舒服？』Joyce直說唔會：『佢（Grace）係我妹妹，每個人都靚，只係角度唔同，其他人唔可以用容貌去分裂我哋，否則我會將話題停止。』」她指Grace很愛家庭亦很愛姐姐，Joyce是5月份生日，Grace都為她炮製生日蛋糕慶祝。

湊孫比湊仔還緊張│陳凱琳媽咪Connie自認P牌婆婆 「孫仔講嘢似唱歌甜到漏」【下一頁】

提到Grace和鄭嘉穎兩公婆相距23歲，加上拍拖時只是Grace的事業剛剛起步，Connie直認起初對嘉穎沒有太大好感，「我唔認識佢，聽聞佢好花弗，而且年紀都有少少影響，怕佢只係玩玩吓。我初時唔想見佢，因為我驚唔知點面對佢同相處。我真係好驚，好唔開心，唔知點算好，因為呢次係Grace嘅初戀。記得第一次見面，嘉穎好熱情，好有禮貌，講嘢唔會左顧右盼，實話實說，係個誠實嘅好孩子，好值得我尊重。」

Grace與嘉穎拍拖三年就結婚，Connie收到消息時都非常祝福，她大讚女婿很尊重老人家，平時會短訊溝通，完全沒有隔膜，「嘉穎結婚之後，我更加認識佢，佢以家庭為重，重到我要叫佢減啲，唔好咁誇張。佢會神神秘秘買個靚手袋送畀 Grace，仲同Grace講：『唔知點樣去多謝你，我真係好愛你！』嘉穎對媽媽、家人，甚至工人都好恩待，我以為佢係講嘢大聲嘅大男人，原來佢好細心、好窩心、好體貼！我呢個女婿好似紅酒，初試一啖未開透，未飲出味道， 一路飲一路開，味道會變化多端，越來越好，可能以後仲會有另外一個境界！我好愛佢，真係好愛佢，佢好抵錫！我畀佢101 分，嗰一分係上帝額外加上去嘅！」

責任編輯：楊安莉