【聲明】港生活網站並無進行電話推廣活動

永安百貨+荷里活廣場 購物優惠咪錯過 低至1折 消費滿額送現金券

發佈時間: 2021/05/10

鍾意Shopping嘅姊妹注意,黛安收到公關姊妹報料,最近好多商場同百貨公司都推出購物優惠,部分限量貨品更低至1折發售,千祈唔好錯過。

好似永安百貨正舉行超級購物日,由即日至本月23日,好多傢俬電器、家品廚具、寢室用品、服飾鞋履、童嬰用品同埋化粧品等,都有優惠折扣,部分貨品低至2折發售,單日消費滿1,500元,仲可獲贈50元永安現金券㖭。

此外,荷里活廣場喺星期四(13日)起,其網購平台eShop一連4個星期都會推出總值120萬商戶電子現金券,場內80個品牌嘅100元電子現金券有機會以低至1折換購,當中包括Uniqlo、H&M、洪瑞珍、奇華餅家等;仲有多款人氣商品亦會分階段以低至1折價上架。另外,商場月內逢星期五、六、日仲舉辦「春日消費賞」,買滿800元即可換領200元購物及美食優惠券,真心抵。詳情可【按此】瀏覽。

撰文: 黛安 消息特靈八卦公關
欄名: 八卦名利場