直播教煮餸 肥媽開工4日賺6位數

肥媽（Maria Cordero）昨日到尖沙咀出席活動，提到前晚播出的節目《日日媽媽聲》中，肥媽兒子驚喜現身送花，令她十分開心：「呢個仔47歲無人見過㗎，有人問我點解啲仔女又黑又白（膚色），因為有啲係同前夫生。」提到兒子勸告退休，肥媽笑說︰「我無可能退休，如果完全唔做嘢，可能好快會病！」

肥媽現時開live教煮餸，收入非常豐厚：「夠鐘上綫我就化個粧、着條睡褲落樓下就可以開工，都幾舒服。而且每個月只係做四日，已經有六位數字收入，好過無綫，加埋廣告佣金，最高試過一個月賺40萬，依家有三、四個廣告，考慮中嘅有十幾個。」早前有傳無綫實行「限廚令」，煮食節目無得留低，主持《食平D》系列多年的她說：「畀時間人哋改革啦，本來今年四月開新節目，但疫情太勁，拍攝又太危險喇。」

採訪︰Pauline