鬼上你架車｜高海寧酒店撞鬼被男人跟去房門 方力申當奴陰陰笑：呢招勁喎…

由方力申及當奴主持的全新節目《鬼上你架車》，第一集請來「性感女神」高海寧（高Ling）擔任嘉賓，分享個人的靈異經歷。不過高Ling講其中一個鬼故時，兩位主持就無驚過，方力申輕輕一句毫將鬼故變成追女仔的橋段，仲陰陰嘴笑高Ling。

{{hket:inline-image name="05101012.jpg"}}{{/hket:inline-image}}

{{hket:inline-image name="05101010.jpg"}}{{/hket:inline-image}}

《Think Big》︳高海寧出道當主持有鏡頭恐懼症 一次外訪世界盃之旅令她開竅【下一頁】

高Ling講她最近到內地的經歷，「我之前喺廣州的酒店隔離，我哋有4個人入𨋢，我加3個男人。到我撳𨋢嗰陣，點撳都撳唔到我嗰層，到其中2個男人出咗𨋢先撳到，但同時間有兩層嘅燈著咗！我同剩番落嚟嘅男人對望一下，點知到咗我嗰層部𨋢又唔停，我哋又互望啦……之後部𨋢終於停咗，當下諗緊出唔出𨋢好，因為唔係我要去嗰層；於是再撳多次我嗰層，去到又係唔停！好驚好驚，咁就衝咗出去，當我行返房時，𨋢入面嘅男人亦衝咗出𨋢，追喺我後面，我心諗想點呀？跟住佢同我講『我好驚，成個背脊都好寒﹗』我話無乜嘢幫到佢，佢話純粹想喺度平復一下心情，咁我就返咗房嘞！」

方力申聽完故仔不覺得好驚，反而蠱蠱古古惑惑說：「呢招勁喎！你可唔可以陪我上我間房？或者我喺你度避一避先！」鬼故變成追女仔故事，當奴陰陰嘴笑她「冇中男人計」。

子欲養而親不在︱高海寧再做業主進駐九肚山豪宅 遺憾未能見外公最後一面激動爆喊【下一頁】

高Ling經常遇到靈異事情，她再分享讀書時期的恐怖經歷，今次方力申、當奴終於大嗌。高Ling說：「有次（瞓覺）凍醒咗，又係郁唔到，嗰次係聽到聲………我一郁唔到就祈禱，祈禱時有把聲喺我耳仔邊……好近好近，同我講話『耶穌唔得閒理你』；突然嗰吓好驚啦，因為我媽咪拜佛，我就講咗句『南無阿彌陀佛』，跟住佢話『佛祖都唔得閒理你』……係把男人聲嚟，你明唔明？因為我嗰排考緊試好攰，個人好需要瞓覺、好忟，因為俾佢玩咗好多鑊，心裡面就爆咗一句粗，跟住感覺張被跌返落我身上。」方力申和當奴齊聲指她的屋企好猛鬼！

（↓點擊放大睇圖片↓）

由方力申及當奴主持《鬼上你架車》，暫時在MyTV SUPER上架，第一集觀眾可以免費收看，至於第2集的嘉賓是關智斌，之後有唐詩詠、林夏薇、蔡思貝、林盛斌及蔡潔等，喜歡聽鬼故的觀眾可以密切留意。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】