娛圈多女婆丨小S追仔壓力爆煲曾試盡生仔偏方 徐菁遙張新悅生極都係Queen

台灣藝人小S（徐熙娣）同老公Mike（許雅鈞）婚後育有3個女兒Elly、Lily、許老三，小S不時喺網上分享家庭生活，非常溫馨！不過喺溫韾背後不為人知嘅係，原來小S曾經有一段時間背負住「追仔」責任，壓力真係不足為外人道呀！

{{hket:inline-image name="184115673_490190055635597_211396504968117749_n.jpg"}}{{/hket:inline-image}}

小S喺新節目《老娘的老娘》同媽媽講到重男輕女嘅話題，透露媽媽當年生自己嘅時候見到第三胎都係女而崩潰爆喊，甚至好嫌棄咁話「我不要」；而自己取名為「徐熙娣」嘅原因，係因為爺爺希望再有個男孫。S媽更補充說明，「因為你的婷是女字部，女的停了，小名叫娣，就希望再來一個弟弟」，名字非常老土又冇根據。

{{hket:inline-image name="183228491_845762836014965_8193641253014568509_n.jpg"}}{{/hket:inline-image}}

小S媽嘅宿命延續到小S身上，小S同樣生咗3個女，佢表示自己生第一胎嘅時候仲好愉快，但當第二胎都係女兒嘅時候，佢就開始覺得有壓力；老爺奶奶仲提供生男丁嘅偏方畀兩夫妻。不過當第三胎驗出嚟都係女時，小S因唔敢告知老爺奶奶，於是搵老公出面向佢哋坦白。當老公講完結果轉身要走時，老爺就問：「等一下，爸爸跟你們說的那些方法，你們有試過嗎？」知道老爺奶奶失望後，小S壓力好大，喺佗第三胎期間寫咗好多負面情緒嘅日記，仲趁老公唔喺屋企時匿喺廁所喊。不過小S母女倆經歷過相同歷程後，都已對孩子性別釋懷，甚至覺得生3個女兒相當幸運。小S認為每個生命都是美好的，而3個女係上天畀自己最大、最好嘅禮物。

（↓點擊放大睇圖片↓）

除咗小S，娛圈都有唔少「多女婆」。徐菁遥（Suki）2009年認識黃浩並火速結婚，仲生咗三個女，不過Suki一直希望再為屋企添新成員，話現今科技發達，醫生話生多一、兩個都冇問題，坦言自己「冇嗰樣恨嗰樣」，冇仔就恨仔。三個女都似足爸爸，Suki就希望生仔會似番自己，話多數仔似媽咪；而佢爸爸同家姐個仔都好靚仔，笑言如果有兒子應該會迷倒唔少女性。

張新悅在2007年與區議員楊哲安結婚後，原定計劃生兩個小朋友，但在結婚十年間變成生四個！四個女兒分別係12歲大女Lucy 、10歲二女Lily、6歲三女Leah及2歲半的細女Lola。張新悅表示從冇諗過原來生小朋友係咁嘈，佢話生第一個覺得冇嘢；但從第二個開始就覺得好嘈又好攰，不過就覺得上天畀4個女佢都有好處，就係佢哋自己會有一個小天地。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】