有意旅遊氣泡拍港姐外景 曾志偉：唔強迫佳麗打疫苗

無綫副總經理曾志偉昨日與多位歷屆港姐，如馮盈盈、楊思琦及黃嘉雯等，出席《2021香港小姐競選》記者會。今屆港姐將於九月舉行準決賽及決賽，大計多多的志偉說：「今屆決賽希望首選喺紅館舉行，最重要就係重拾港姐嘅口號『美貌與智慧』，所以會搵慧妍雅集做導師，希望將港姐代表親善大使嘅形象展現出嚟，唔係淨係為咗入娛樂圈。」

因應新冠疫情，志偉指今屆提早招募，讓海外佳麗有充足時間回港：「我當然想港姐出埠拍外景，例如新加坡有旅遊氣泡都會考慮。（要求佳麗接種疫苗？）我哋唔會強迫，如果佢哋覺得打咗安全啲都無所謂。」同場的馮盈盈性感亮相，問她可會推薦靚女參選？她自言當年鼓勵黃嘉雯參選，結果對方成功奪冠。至於黃嘉雯則斷言否認早前與陳家樂的緋聞：「我本身有男友，諗呢件事嘅人想像力太豐富。」

採訪︰Pauline