Staycation｜酒店床邊休息男職員突拍卡入房 港女：如果我無著衫一定報警

在新冠肺炎疫情下，港人無法外遊，不少人均喜歡到酒店Staycation（「宅度假」）。一名港女發文分享，指日前入住尖沙咀一間5星級酒店，當她坐在床邊休息期間，一名酒店男職員突然拍卡入內，聲稱要修理桌椅。對此她深感不滿，憤而向酒店投訴，直言如果當時她沒穿衣的話，定會報警處理。

一名女網民上周二（4日）在Facebook群組「Staycation Hong Kong Hotel - 留港宅度假 本地酒店住宿優惠」中發文，表示日前花費約1.2萬元預訂尖沙咀一間5星級酒店的2間客房並入住2晚。她透露早前已入住該酒店5、6次，「一直都覺得好好」，惟是次住宿體驗卻令她極為失望，「唔知係咪做Staycation做到啲職員滑咗牙，Check-in（登記入住）個女職員態度已經略差。」

男職員突入內稱修理桌椅

最令事主覺得驚恐的是，當她一入房坐在床邊休息時，一名酒店男職員突然拍卡衝入房內，聲稱要修理桌椅，她形容自己當時「已經呆咗，唔識畀反應佢」。事主其後向酒店投訴，坦言無法接受該職員的行為，表示：

「初頭都會覺得佢（涉事職員）會唔會好慘，公司會追究佢，但係諗深一層呢個錯誤真係唔應該犯。佢個動機我都唔明白，仲要入嚟問我係咪要整枱凳。」

Staycation之錯？｜港女愛上浸浴埋怨屋企舊冇浴缸，老公嘆：裝修要$50萬可能買新樓好啲，詳情即睇：【下一頁】

酒店解釋「入錯房」賠償1,000元

酒店經理隨即查看閉路電視畫面，指該職員「入錯房維修」，又指他無按門鈴但有敲門。事主不接受解釋，怒稱：「我間房咁大，點聽到你敲門？更何況我冇叫過人嚟整凳！」

經理隨後向事主賠償1,000元餐廳優惠及免費提供房內所有飲品，但仍難以平息事主怒氣。她表示「有得揀，我情願呢件事冇發生」，又直言如她當時在房內無穿衣，該男職員突然衝進去的話，她定會報警。她又指該1,000元賠償金作用不大，只希望該酒店的服務能回復水準，

「如果（我）冇著衫佢（涉事職員）入咗嚟，佢賠幾多錢畀我都冇用呀，事實係佢已經有錯誤啦。我消費咗$12,000，嗰$1,000都冇乜用，我真係唔要都冇所謂，用唔晒咁多錢。」

網民反應兩極

網民對於此事反應兩極，其中有人認為酒店方可能只是忙中有錯，又指職員處理手法妥當：

↓ 點 擊 圖 片 放 大 ↓

但亦有網民認為，萬一事主當時正在更衣或洗澡，並非賠償能夠了事，認為酒店應加強員工培訓；另有人分享自己住酒店的不快經歷：

↓ 點 擊 圖 片 放 大 ↓

Staycation．酒店衛生｜住5星級酒店慶祝拍拖周年，港女發現廁紙袋疑沾糞便，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

每朝索取《晴報》：精明生活．健康家庭．開心娛樂

撰文：蘇麗儀