公屋VS私樓｜港男住屯門私樓 列5大比較嘆不如「公屋仔」 「完全享受唔到私樓仔嘅著數」

住公屋還是私樓較佳？一名港男發文分享，指自己跟家人居住在屯門一個私樓單位，惟他表示父母收入不高，只因當年「好彩」才成功「上車」。因此，他兒時從未補過習，亦未能出國讀書，更沒去過多少次旅行；但身邊不少住公屋的人生活富裕，家中有名車，而且每年都去旅行，令他感嘆自己的生活和地位跟「公屋仔」相若，直言：「完全享受唔到『私樓仔』嘅著數。」

一名男網民上周五（7日）在網上討論區「連登」以「有冇人身為私樓仔，但覺得自己生活同公屋仔分別唔大？」為題發文，指不少網民形容「私樓仔」有優勢、生活無憂，如同「贏在起跑線」；惟他認為儘管自己在私樓居住，卻「完全享受唔到『私樓仔』嘅著數」。

列居住公屋私樓5大比較

事主透露自己一家4口居住在屯門一個約400呎的私人屋苑單位，家中無車、無傭人，而且要跟弟弟共用同一間睡房。他憶述自己中、小學時期從未補過習，甚少上興趣班，亦未能出國讀書，連大學學費也要靠自己。他指父母從事低下層工作，沒甚麼儲蓄，兩人月入合共約3萬元，父親更不時去賭錢，但當年「好彩」成功「上車」。

事主指由於父母收入不多，他沒去過多少次旅行，不計中國只去過5個國家，「一年出唔到一次國，唔似『公屋仔』年年歐遊」。以上種種令他不禁直言「唔使最勁，普通公屋仔已經贏我」，

「以前中學普通『公屋仔』都有得補習，年年出國旅行（嘅人）都識唔少，生得少（子女）嘅話都有自己房、有私人空間。識人住天水圍俊宏軒，有『波子』（保時捷），年年歐遊同去日、韓；成日去5星級酒店『打卡』，個個以為佢『私樓仔』。」

公屋VS私樓｜不認同住公屋是人生贏家，港女列公屋私樓2大比較：有能力真係會揀住公屋？詳情即睇：【下一頁】

居住環境欠佳受噪音影響

事主又指，雖然環境的平均質素以私樓較高，但也要視乎情況。他形容自己的居住環境「唔掂」，年長鄰居整天打麻雀發出噪音，樓下更有一戶不時大聲播音樂，令他直言「慘過公屋」，

「（公屋）鄰居質素又未必差過我嗰度，有Friend（朋友）住新公屋，鄰居全部正常人。」

被異性嘲笑住屯門貧窮

此外，事主指不少人認為「私樓仔」較易結識異性，但他形容自己性格較內向，「成世冇乜點拍過拖」，就算跟「公屋MK仔」搶同一個女生，他都是「爭唔贏」，

「有『公屋妹』知我住屯門都睇唔起我，嫌我窮。話自己住屯門，啲人唔會想知你住咩樓，只會先入為主覺得你窮，做底層『私樓仔』同做『公屋仔』根本一樣。」

嘆住私樓地位與「公屋仔」相若

事主指此番言論並非在埋怨父母，強調「佢哋『上到車』已經好好」，惟他不認同網民「將私樓捧到好高」、「住私樓等如中產」的價值觀，或是幻想私樓生活十分美好。他不禁嘆道：「下世投胎做『公屋仔』，生活都未必差過而家」，

「（網民）覺得私樓出身就贏晒、人生冇煩惱咁款，冇諗過有啲『私樓仔』生活唔好得『公屋仔』幾多。唔知點解『連登仔』好鍾意FF（幻想）住私樓餐餐食好嘢、想買乜就買乜，一般私樓人士同『公屋仔』生活冇乜大分別。」

不少網民看到帖文後，紛紛表示住公屋才是「人生贏家」，亦有人分享自己的處境，認同住舊式私樓跟住公屋分別不大：

↓ 點 擊 圖 片 放 大 ↓

但亦有網民批評事主過分比較，指他現時的居住環境和自身問題，並非改變住處就可以解決：

↓ 點 擊 圖 片 放 大 ↓

租樓VS住公屋｜長子新婚擬$1.3萬租樓搬離公屋，爸爸反對：有間公屋咪一齊住，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

每朝索取《晴報》：精明生活．健康家庭．開心娛樂

撰文：蘇麗儀