同理‧名人啟示錄︳吳雨親挑郭藹明返港參賽感自豪 退而不休 修讀中醫科科A

71歲的吳雨在娛樂圈工作超過40年，2016年退任英皇娛樂行政總裁高職宣布榮休，翌年獲邀出任香港藝術發展局的委員。昨晚（10日）吳雨現身馬浚偉（馬仔）在港台的清談節目《同理．繼續傾》的《名人啟示錄》環節做嘉賓，大談近況及軼事。

{{hket:inline-image name="11.jpg"}}{{/hket:inline-image}}

馬浚偉邀請吳雨大哥上電台節目任訪問嘉賓。(圖片：馬浚偉FB)

{{hket:inline-image name="04.jpg"}}{{/hket:inline-image}}

吳雨於2016年退任英皇娛樂行政總裁一職，老闆楊受成和一班藝人為他舉行榮休宴。（圖片：微博截圖)

名人啟示錄丨何麗全佩服盧海鵬粗口收放自如 懷念樂壇蓬勃年代望搞「六台聯頒」【下一頁】

吳雨任職英皇娛樂行政總裁時，旗下藝人有容祖兒、謝霆鋒、林峯、張敬軒、李克勤等粒粒巨星，不過香港娛樂圈多年來都被指青黃不接，欠缺「明星」，吳雨就表示：「喺我年代，即係邵氏時，嗰時嘅明星係蕭芳芳、林黛、樂蒂……佢哋冇整容喎，但個個眼大大，臉尖尖，係真明星嚟。至於而家有冇明星，我只可以話以前係好難見到明星，當年陳寶珠一出嚟，萬人空巷；但而家見明星易好多，佢哋又平民化咗，好似行山都可以見到發哥（周潤發），可以同佢打卡，好平易近人，發哥亦唔會當自己為明星。」

問到吳雨大哥如何看現今電視圈形勢的轉變時，他認同無綫最大股東黎瑞剛的說法：「無綫係要衝出去，但衝出去唔係話文化衝出去，而係巿場發展衝出去。今日嘅大灣區都係講廣東話，咁大嘅廣東話市場點會冇商機喺到。廣東省成6千幾萬人口，點解冇一個似樣嘅藝人同歌手走出嚟？好啲嗰個張敬軒都嚟咗香港，點解我哋唔可以去幫佢哋發掘明星出嚟？當然要做唔容易，但先要有概念，有呢個宏觀嘅諗法，有點先畫到線嘛。」

（↓點擊放大睇圖片↓）

吳雨再舉自己的例子，指當年在無綫選港姐已選到「冇貨」，「每年都選，香港啲女仔大唔切㗎！我就諗不如出去外邊搵留學生返嚟香港選啦！」想不到第一次搞海選，吳雨就搵到郭藹明，她更成了1991年的三料港姐，分別奪得「港姐冠軍」、「國際親善小姐」及「談吐幽默獎」；郭藹明亦因有著高學歷，被喻為「才貌雙全的冠軍級港姐」，吳雨開心地說：「我都引以為傲呀，所以如果唔係諗吓橋話要衝出去，又點會搵到佢返嚟。」

（↓點擊放大睇圖片↓）

至於吳雨現時身兼藝發局委員，正為月底舉行的「藝術家發展獎頒獎禮」忙碌著，他謂：「因為入面分9個界別，有電影、舞蹈、音樂、媒體藝術、文學藝術、藝術評論、戲曲等……好多人包括自己都唔知有邊啲界別，所以我請咗一啲嘉賓嚟拍9條短片，等多啲人知道。」其中更請到91歲的劉兆銘出山演出，「佢話已經冇人叫得郁佢（拍片），同埋話而家行唔到，所以拍攝當日我親自接佢，但佢拍攝時係好開心嘅。」

（↓點擊放大睇圖片↓）

吳雨可說是退而不休，過去兩年還修讀中醫課程；而馬浚偉同樣報讀中醫課程做吳雨師弟，更爆吳雨成績彪炳，科科考A。吳雨謂：「仲有幾個月就完咗一個階段，讀中醫係想睇吓自己有冇老人痴呆，因為真係要記性好先得。」

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

母親節│MIRROR向經理人花姐獻花致敬 姜濤哭成淚人獲隊友拍膊安慰 【下一頁】