四十不惑︱袁偉豪有樓有車「人生勝利組」 不枉打拼十年事業家庭現「春天」

藝人袁偉豪入行超過二十年，早年都喺娛圈載浮載沉，直至參選香港先生之後受無綫力捧，事業才開始順遂。近年佢更非常「多產」，多次有機會問鼎視帝，又發展歌唱事業；4年前同家底唔錯嘅張寶兒相戀，半年前仲拉埋天窗，聯名買入清水灣傲瀧單位同住。有車有樓有老婆，相信唔少人都好羨慕！

{{hket:inline-image name="184002196_610397246582746_7382141930193596386_n.jpg"}}{{/hket:inline-image}}

眨吓眼袁偉豪已經踏入男人不惑之年，今日佢趁住生日貼出一張喺化妝間作勢為自己化妝嘅獨照，Chok到冇朋友呀！佢發表感言指要向三十歲嘅自己講再見：「常言道三十而立，回想從三十歲出頭的那些年，開始慢慢學懂從生活中的陋習裡改善自己。雖然偶爾仍會犯錯，但仍然堅持自己對娛樂圈工作的熱誠，的確有很多機會出現過係（喺）眼前，但總未能好好把握，只能怪當年的自己尚未開竅! 」

佢話慶幸自己心智漸漸成熟，慢慢能夠將每次嘅角色做好同掌握到：「打拼十年的黃金歲月就這樣過了！而過去的三年更是我人生和事業上的一個春天，工作得到認同，事業也略有成績，更能夠盡兒女的責任把家人好好安頓起來；還可以在四十歲前成家立室，走人生的另一段路！感恩。」

袁偉豪似乎對佢現時所擁有嘅嘢感到滿意：「或者係（喺）好多人心中我已經是人生勝利組了吧？但其實唔應該自滿，看見年輕人的活力、幹勁和拼搏精神，真的令我很佩服，要時刻反思和去改善自己。生老病死是必然，人也只能活一次！要堅定，要相信會有更精彩更美好的將來，要一起加油！青春的你們要繼續發光發亮，我哋一齊好好建立自己的生活，我們一定會更加好！一起加油。」

不過唔少網民都對袁偉豪「人生勝利組」嘅言論有好大反應，認為佢係靠「妻蔭」先有今日擁有嘅嘢；不過都有網民力撐佢付出咗好多去建立自己嘅演藝事業，唔應該只因為娶咗個富老婆而抹殺佢嘅努力。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】