配音爆冷贏陳安瑩 馮盈盈入決賽唔怕月經失調

過往出名「懶音王」的馮盈盈，幾經辛苦練習，在配音比賽《好聲好戲》中擊敗經驗豐富的陳安瑩，爆冷出綫殺入總決賽。盈盈昨日宣傳劇集《逆天奇案》時，笑言已學識調節壓力，不會像之前般緊張得月經失調。

馮盈盈聯同何廣沛、易宇航及陳安瑩參加配音真人騷《好聲好戲》，比賽前被「睇死」的盈盈愈戰愈勇，在前晚一集中獲得主席評判及專業評判共四票，成功出綫殺入總決賽。盈盈前晚在IG發表感受說：「今天的我打倒2018年的我，多謝專業評審們投我一票，給我機會繼續與自己比賽，更感激幾位ROUND 1的好戰友何廣沛、Julian（易宇航）和安瑩姐，過程中我們互相鼓勵，砥礪共行，亦衷心感謝這個《好聲好戲》的舞台，讓我們見證大家的進步。」

劉佩玥參加聲演

盈盈與好友劉佩玥（Moon）昨日出席《逆天奇案》活動，在《好聲好戲》中擔任星級打氣團的Moon，自言比賽過程中戥盈盈非常緊張：「盈盈好努力，所以我都特別偏心佢。」盈盈坦言參賽以來一直有壓力，雖然現在勝出第一回合，稍後進入決賽也會緊張：「我2016年入行，呢五年嚟我都下咗好多苦功，同埋搵老師教演戲，等自己努力練習，有錯嘅時候又會立刻糾正，呢啲唔係短短三個月可以做到嘅事。」

盈盈曾自爆因比賽壓力太大，月經來足三星期，她不擔心身體再出狀況：「依家我身體狀況相當健康，學識咗調節壓力。」問到Moon稍後會否參賽？她預告稍後以特別嘉賓身份參加：「突然間要被評分真係嚇死，嗰刻我都好緊張。」

採訪︰Pauline

攝影︰林良明

美術：梁政敏