MIRROR尾場 古天樂變身鏡粉睇騷

《MIRROR "ONE & ALL" LIVE 2021》演唱會昨晚舉行尾場，吸引多位圈中人包括欣宜、森美、阮小儀、梁祖堯（祖祖）及楊偲泳等座上客，就連古天樂亦有捧場，他現身即引來全場粉絲起哄，更獲安排坐第一排睇騷。一班鏡仔甫開騷繼續高唱《ASAP》及《Warrior》勁歌熱舞，令現場鏡粉陷入瘋狂狀態。另外，森美手持呂爵安（Edan）的燈牌入場，他笑稱是代15歲的女兒做觀眾︰「我得一張飛，原本諗住睇到一半換個女入場，但好似唔尊重MIRROR，所以下次先父女一齊睇！」至於祖祖受訪時直言MIRROR的六場騷也有幫手，看到成員每場進步，會給他們80分。他說︰「我原本連《蒙着嘴說愛你》都唔識，依家已經識晒佢哋所有歌！」另外，大批鏡粉一早已到會場外拍照留念，當中盧瀚霆（Anson Lo）獲粉絲製作一幅尾場限定的簽名牆。

採訪︰Pauline

攝影︰林良明