張國榮演唱會│黃宇詩冇陪黃霑睇騷成人生遺憾 「當時唔會知佢會咁快過身」

黃霑跟華娃所生的女兒黃宇詩近日主持網台節目《閨蜜20+》，與兩位年輕女主持一齊暢談不同的人生問題。三位主持因生於不同的年代，在節目中亦表達了很多不一樣的看法。而最新一集節目主題為「人生最後悔的一件事」，黃宇詩表示：「如果畀我返番去人生某一段時間，我會揀入大學之前，大約18歲，一定有好多嘢同自己講。入大學後終於開咗竅，想同以前嘅自己講番以前未學好嘅嘢。首先，要乖乖地早啲理財，雖然學校冇教，但點都要用半年或者一年去學，自己日後唔會行咁多冤枉路。」

黃霑女兒曾背小三之名│44歲黃宇詩網台大方談性說愛 「真係想做小三嘅人心理唔平衡」【下一頁】

{{hket:inline-image name="alksd.jpg"}}{{/hket:inline-image}}

黃宇詩又稱自己有藝術家脾氣，以前容易被情緒帶動。面對兩位年輕的小妹妹，宇詩眼濕濕說：「聽到你哋分享我有啲感觸，好多嘢係針唔拮到肉唔知痛。」宇詩被問到重回20歲想做的事，她寫上：「決定可以放鬆啲做人，唔好咁情緒主導去做選擇同決定，案例：張國榮演唱會。」她解釋自己情緒易波動，廿多歲時經常受情緒影響而做錯決定，而佢認為很多小決定都會影響人生大的路向。

隨後，黃宇詩娓娓道來，她表示：「點解我會講張國榮演唱會呢？因為我好記得嗰次約咗我老竇（黃霑），佢帶我去睇張國榮演唱會，咁當然嗰時唔知佢（黃霑）會咁快過世吖嘛。當日我同男朋友嗌交，我就話自己唔舒服，決定唔去喇！去到而家呢個年紀，覺得就算有情緒，都去咗先啦，其實好快就冇事，唔好因為你有情緒而唔去做。」黃宇詩憶起這個最後一次與爸爸睇演唱會的遺憾時，都不禁眼濕濕。

（↓點擊放大睇圖片↓）

華娃佗女忍痛離開黃霑拒絕再等 黃宇詩做生意有着數贏在起跑線【下一頁】

黃霑2001年證實患上肺癌，經手術和化療後無大礙；可惜翌年復發，不過他仍努力完成博士論文及舉辦《黃霑獅子山下演唱會》。2004年，黃霑病情反覆，11月24日因末期肺癌引發的肺炎逝世，終年63歲。家人按遺願低調舉行葬禮，隨後在大球場舉辦追思會，過萬名市民和圈中人出席致哀。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉